कुठे फेडाल पाप.. ! महात्मा गांधींच्या नावाने काढली बीअर, बाटलीवर बापूचा फोटा पाहून भडकले लोक

पंतप्रधान नरेंद्र मोदी यांना माझी नम्र विनंती आहे की, त्यांनी आपले मित्र रशियाचे राष्ट्राध्यक्ष व्लादिमीर पुतिन यांच्यासमोर हा मुद्दा उपस्थित करावा. एक रशियन व्यक्ती गांधीजींच्या नावाने बिअर विकत असल्याचे समोर आले आहे. बिअरच्या कॅनवर महात्मा गांधींचे छायाचित्र छापलेले असल्याचे या पोस्टमधील छायाचित्रांवरून स्पष्ट होते. हे पाहून युजर्स प्रचंड संतापले होते.

चर्चच्या आतमध्ये मिळाले मंदिराचे अवशेष, सुरू झाली पूजा; अनोखा इतिहासही आला समोर

सोशल मीडियावर युजर्सचा संताप -

एका युजरने महात्मा गांधी आणि दारूचा काय संबंध आहे,  हा फोटो का छापण्यात आला आहे, असा सवाल केला आहे. आणखी एका युजरने लिहिले की, हे पूर्णपणे अस्वीकार्य आहे. गांधीजींचा आणि दारूचा काय संबंध? अल्कोहोलवर त्यांचे नाव आणि फोटो वापरणे थांबवा, ते मद्यपी नव्हते, त्याऐवजी त्यांच्या व्यक्तिमत्त्वास साजेसे इतर उत्पादनांवर त्यांचे नाव आणि फोटो वापरा.

आणखी एका सोशल मीडिया युजरने या ब्रँडिंगवर टीका करताना म्हटले आहे की, "धक्कादायक आणि अस्वीकार्य आहे. एक रशियन दारू उत्पादक कंपनी रेवॉर्ट महात्मा गांधींच्या नावाने दारू विकून शांतीचे प्रतीक महात्मा गांधी यांच्या तत्वांचा व मुल्यांची खिल्ली उडवत आहे.  हा भारताच्या मूल्यांचा आणि कोट्यवधी भारतीयांचा अपमान आहे. 

सुनिता विलियम्सचे पृथ्वीवर परतणे वाटते तितके सोपे नाही, जमिनीवर पाऊल ठेवताच हे त्रास घेरतील, चालणे-फिरणेही कठीण

सुपर्णो सत्पथी यांनी आपल्या पोस्टमध्ये अनेक फोटो शेअर केले आहेत. बिअरच्या कॅनवर महात्माजी लिहिले आहे आणि त्यावर गांधीजींचे छायाचित्रही छापले आहे. कंपनीचे नाव रिव्हर्टही दिसत आहे. ही पोस्ट सोशल मीडियावर व्हायरल झाली असून जवळपास दीड लाख व्ह्यूज मिळाले आहेत. याशिवाय मोठ्या संख्येने लोकांनी दारू उत्पादक कंपनीवर कमेंट करत टीका केली आहे.