Rahul Gandhi : राहुल गांधी खोटं बोलताहेत, त्यांना रोखा अन् समज द्या; भाजपला नेमकं काय खटकलं, थेट आयोगाकडं तक्रार
Rahul Gandhi : राहुल गांधी यांनी गेल्या आठवड्यात मुंबईत केलेल्या भाषणातील काही भागाचा दाखला देत भाजपने त्यांच्यावर आचारसंहितेचे सर्रास उल्लंघन केल्याचा आरोप केला आणि निवडणूक आयोगाकडे यासंदर्भात कठोर कारवाई करण्याची मागणी केली आहे.
महाराष्ट्र विधानसभा निवडणुकांसाठी होणाऱ्या मतदानाआधीच भाजपने निवडणूक आयोगाचे दार ठोठावले आहे. राहुल गांधी यांच्या सभेच्या चार दिवसानंतर त्यांच्याकडून आचार संहितेचं उल्लंघन झाल्याची तक्रार भाजपच्या नेत्यांनी आयोगाकडे केली आहे. राहुल गांधी निवडणुकीच्या प्रचारात खोटं बोलत आहेत,त्यांना थांबवा त्यांना राग द्या असं भाजपने आपल्या तक्रारीत म्हटलंय.
महाराष्ट्रात पुढील आठवड्यात होणाऱ्या विधानसभा निवडणुकीच्या पार्श्वभूमीवर सत्ताधारी भारतीय जनता पक्षाने निवडणूक आयोगाचे दार ठोठावले असून विरोधी पक्षनेते राहुल गांधी यांनी निवडणूक प्रचारादरम्यान खोटे बोलणे थांबवावे आणि समज द्यावी, असे आवाहन केले आहे. राहुल गांधी यांनी गेल्या आठवड्यात मुंबईत केलेल्या भाषणातील काही भागाचा दाखला देत भाजपने त्यांच्यावर आचारसंहितेचे सर्रास उल्लंघन केल्याचा आरोप करत निवडणूक आयोगाकडे यासंदर्भात कठोर कारवाई करण्याची मागणी केली.
भाजपने सोमवारी दुपारी निवडणूक आयोगाकडे दिलेल्या लेखी तक्रारीत म्हटले आहे की, राहुल गांधी यांनी महाराष्ट्र राज्याचे प्रकल्प हिसकावून इतर राज्यात पाठवण्यात आल्याचा खोटा आरोप केला आहे. अॅपलचे आयफोन आणि बोईंग विमानांची निर्मिती महाराष्ट्राव्यतिरिक्त इतर राज्यांमध्ये होत असल्याचा राहुल गांधी यांचा दावा खोटा आणि निराधार असल्याचे भाजपने आयोगाला पाठविलेल्या तक्रार पत्रात म्हटले आहे.
राहुल गांधी आणि काँग्रेस अध्यक्ष मल्लिकार्जुन खर्गे यांच्याविरोधात पोलिसांत गुन्हा दाखल करण्याचे निर्देश निवडणूक आयोगाने द्यावेत, अशी मागणीही भाजपने केली आहे. केंद्रीय कायदामंत्री अर्जुनराम मेघवाल यांच्या नेतृत्वाखाली भाजपच्या शिष्टमंडळाने आयोगाच्या वरिष्ठ अधिकाऱ्यांची भेट घेतली. आयोगाच्या भेटीनंतर माध्यमांना मेघवाल यांनी सांगितले की, विरोधी पक्षनेते राहुल गांधी यांनी महाराष्ट्रात खोटे बोलून भाजपला राज्यघटना पायदळी तुडवायची असल्याचे म्हटले आहे.
सत्ताधारी पक्षाने आपल्या तक्रार पत्रात म्हटले आहे की, अपेक्षेप्रमाणे आणि त्यांच्या विशिष्ट प्रचार आणि सामान्य आचरणाच्या अनुषंगाने राहुल गांधी यांचे भाषण खोटे आणि तथ्यहीन माहितीने भरलेले आहे, ज्याचा उद्देश भारतातील राज्यांमध्ये वैमनस्य, वैर आणि वैमनस्य निर्माण करणे आहे. राहुल गांधी यांना महाराष्ट्र आणि इतर राज्यातील जनतेत फूट पाडायची आहे. महाराष्ट्रातील निवडणुकीत फायदा घेण्यासाठी राहुल गांधी सातत्याने भाजपवर खोटे, बिनबुडाचे आणि निराधार आरोप करत असल्याची तक्रार भाजपने केली आहे.
