Viral Video: अशा शिक्षकांमुळं विद्यार्थ्यांचं भविष्य धोक्यात! संतापजनक कृत्य कॅमेऱ्यात कैद, पाहून लोक संतापले
Madhya Pradesh Teacher Viral Video: मध्य प्रदेशातील सरकारी शाळेतील शिक्षकाचा व्हिडिओ सोशल मीडियावर व्हायरल झाला आहे.
Drunk Teacher Sleeping In Classroom: कोणत्याही व्यक्तीला त्याच्या आयुष्यात यशस्वी होण्यासाठी शिक्षकाचा मोठा हात असतो, म्हणजेच आपल्या जीवनात शिक्षकांचे खूप महत्त्व असते. सध्या सोशल मीडियावर एका शिक्षकाचा व्हिडिओ प्रचंड व्हायरल होत आहे, ज्यात तो आपल्या विद्यार्थ्यांना शिकवण्याऐवजी मद्यधुंद अवस्थेत ऑफीसमध्ये झोपलेला दिसत आहे. या घटनेची माहिती वरिष्ठ अधिकाऱ्यांना देण्यात आली आहे. या व्हिडिओवर नेटकऱ्यांच्या संतापजनक प्रतिक्रिया येत आहेत.
मिळालेल्या माहितीनुसार, हा व्हिडिओ मध्य प्रदेशातील धार जिल्ह्यातील एका सरकारी शाळेतील आहे. प्रत्यक्षात शिक्षक दारू पिऊन शाळेत पोहोचला आणि तिथल्या ऑफिसमध्ये जाऊन चटईवर झोपला. एका महिला सहकाऱ्याने त्याचा व्हिडिओ काढला. अमरसिंह मौर्य असे या शिक्षकाचे नाव आहे. या घटनेनंतर स्थानिक लोकही शाळेत पोहोचले. ही घटना नळछा तालुक्यातील कुरडिया माध्यमिक शाळेत सोमवारी घडली.
शिक्षकाचा ५२ सेकंदाचा व्हिडिओ व्हायरल
या शिक्षकेचा ५२ सेकंदाचा व्हिडिओ व्हायरल होत आहे. या व्हिडीओमध्ये तो शाळेतील ऑफिसच्या फरशीवर झोपलेला दिसत आहे. व्हिडिओमध्ये शिक्षक म्हणतो की, तो रात्रभर झोपू शकला नाही. त्याला तासभर झोपू द्या. व्हिडिओमध्ये त्याचे बरेच से शब्द स्पष्ट ऐकू येत नाहीत. मिळालेल्या माहितीनुसार, या घटनेनंतर त्याच्या ओळखीचे लोक आले आणि त्याला शाळेतून घेऊन गेले.
शिक्षकामुळे महिला कर्मचाऱ्यांमध्ये भितीचे वातावरण
स्थानिक लोकांनी दिलेल्या माहितीनुसार, अमर सिंह मौर्य अनेकदा मद्यधुंद अवस्थेत शाळेत पोहोचतात. शाळेत चार महिला कर्मचारी आहेत. शिक्षकाच्या अशा कृतीमुळे महिला कर्मचारी आणि विद्यार्थ्यांमध्ये नेहमीच भीतीचे वातावरण असते. शिक्षकही अनेक दिवसांपासून गैरहजर असल्याचे ग्रामस्थांनी सांगितले. त्याच्याविरोधात अनेकदा तक्रारी करण्यात आल्या आहेत.
शाळेचे मुख्यधापक काय म्हणाले?
मुख्याध्यापक इंडिया पटेल यांनी सांगितले की, शिक्षकाविरोधात यापूर्वी चार तक्रारी आल्या होत्या. यामुळे त्यांचे सहा महिन्यांचे वेतनही रोखण्यात आले होते. या घटनेची माहिती वरिष्ठ अधिकाऱ्यांना देण्यात आली आहे. या प्रकरणाची चौकशी सुरू आहे. माध्यमिक शाळेचे मुख्याध्यापक कल्याण सिंह बुंदेला यांनी सांगितले की, शिक्षक अमरसिंह मौर्य शाळेच्या कार्यालयात आले आणि चटईवर झोपले. या प्रकरणाची चौकशी करून संबंधित शिक्षकावर शिस्तभंगाची कारवाई करण्यात येईल, असे सहाय्यक आयुक्त ब्रजकांत शुक्ला यांनी सांगितले.
