सर्वसामान्य नागरिकांना झटका! घरगुती एलपीजी सिलिंडरच्या दरात ५० रुपयांनी वाढ

घरगुती गॅस सिलिंडर म्हणजेच १४ किलो एलपीजी सिलिंडरच्या किंमतीत १ ऑगस्ट २०२४ रोजी बदल करण्यात आला होता, त्यानंतर ७ एप्रिल रोजी ही वाढ जाहीर करण्यात आली आणि नवे दर आजपासून लागू झाले आहेत.

इंडियन ऑईलने दिलेल्या माहितीनुसार, आजपासून लखनौमध्ये एलपीजीसिलिंडरची किंमत ८९०.५० रुपये प्रति सिलिंडर झाली आहे. तर पाटण्यात घरगुती एलपीजी सिलिंडरची किंमत ९५१ रुपये झाली आहे. जयपूरमध्ये एलपीजी सिलिंडरची किंमत ८५६.५० रुपये झाली आहे. डेहराडूनमध्ये गॅस सिलिंडरची किंमत ८५०.५० रुपये झाली आहे.

हिमाचल प्रदेशची राजधानी शिमलामध्ये सिलिंडरची किंमत ८९७.५० रुपये, भोपाळमध्ये सिलिंडरची किंमत ८५८.५० रुपये झाली आहे. गांधीनगरमध्ये एलपीजी सिलिंडरची किंमत ८७८.५० रुपये, श्रीनगरमध्ये ९६९.०० रुपये, इंदूरमध्ये ८८१ रुपये, दक्षिण अंदमानमध्ये ९२९ रुपयाला घरगुती सिलेंडर मिळणार आहे. १४.२ किलोच्या घरगुती एलपीजी सिलिंडरची किंमत आजपासून दिब्रुगडमध्ये ८५२ रुपये, कारगिलमध्ये ९८५.५० रुपये आणि विशाखापट्टणममध्ये ८६१ रुपये झाली आहे.

केंद्रीय पेट्रोलियम आणि नैसर्गिक वायू मंत्री हरदीप सिंह पुरी यांनी सोमवारी सांगितले की, एलपीजी सिलिंडरच्या किंमतीत ५० रुपयांनी वाढ होणार आहे. उज्ज्वला योजनेच्या लाभार्थ्यांसाठी ती ५०० रुपयांवरून ५५० रुपये झाली आहे. या निर्णयाचा आम्ही नंतर आढावा घेऊ, असेही पुरी म्हणाले.

केंद्रीय मंत्री पुढे म्हणाले की, आम्ही दर २-३ आठवड्यांनी याचा आढावा घेतो. त्यामुळे आपण पाहिलेली उत्पादन शुल्कातील वाढ पेट्रोल आणि डिझेलवरील ग्राहकांवर पडणार नाही. तेल विपणन कंपन्यांना त्यांच्या गॅस भागावरील तोटा म्हणून ४३,००० कोटी रुपये भरून काढण्यासाठी ही उत्पादन शुल्क वाढ करण्यात आली आहे. "