Live News Updates 1 June 2023: न्यायालयीन आयोग करणार मणिपूर हिंसाचाराची चौकशी

भिवंडीत रिक्षाच्या झालेल्या भीषण अपघातात एकाच कुटूंबातील तिघांचा मृत्यू झाला आहे. यामध्ये एका चिमुकल्याचाही समावेश आहे. ब्रेक फेल झालेली रिक्षा पाण्याने भरलेल्या २० फूट खोल खड्ड्यात कोसळली. यामध्ये एकाच कुटुंबातील तिघांचा मृत्यू झाला असून चार जण गंभीर जखमी झाले आहेत. 

राष्ट्रवादी काँग्रेसचे अध्यक्ष शरद पवार मुख्यमंत्री एकनाथ शिंदे यांच्या भेटीसाठी ‘वर्षा’ बंगल्यावर दाखल

Video: मुख्यमंत्री एकनाथ शिंदे यांच्या भेटीसाठी राष्ट्रवादी काँग्रेसचे अध्यक्ष शरद पवार 'वर्षा' बंगल्यावर दाखल. @PawarSpeaks @mieknathshinde pic.twitter.com/826A2Vv40R

— Hindustan Times Marathi (@htmarathi) June 1, 2023

पुणे आणि परिसरातील काही भागात वादळी वाऱ्यासह आज, गुरुवारी पाऊस पडला

#Pune: पुणे शहर आणि परिसरात काही भागात आज वादळी वाऱ्यासह पाऊस पडला. पिंपरी चिंचवड आणि सांगवीच्या परिसरात वादळी वारे, मेघगर्जनेसह पाऊस आणि गारपीटीचा वर्षावर झाला. #rain #WeatherForecast #monsoon pic.twitter.com/p3CbWYgjry

— Hindustan Times Marathi (@htmarathi) June 1, 2023

रत्नागिरी जिल्ह्यातील हातखंबाहून पुण्याला नेपाळी कामगारांना घेउन निघालेल्या प्रवासी बसला कराड- शेडगेवाडी रस्त्यावरील मांगिरी खिंडीत आग लागण्याचा प्रकार गुरूवारी पहाटे घडला. या दुर्घटनेत कोणालाही इजा झाली नसली तरी लाखो रूपयांचे साहित्य जळून खाक झाले.

लोकसभा निवडणुकीच्या तयारीसाठी महाराष्ट्र प्रदेश काँग्रेसने टिळक भवन या पक्ष कार्यालयात २ व ३ जून रोजी बैठक आयोजित केली आहे. या बैठकीत राज्यातील लोकसभा मतदारांचा आढावा घेतला जाणार आहे. प्रदेशाध्यक्ष नाना पटोले यांच्या अध्यक्षतेखाली ही बैठक होत असून बैठकीला राज्यातील प्रमुख नेते व सर्व जिल्हा अध्यक्ष उपस्थित राहणार आहेत.

आरक्षणाबदद्ल भारतीय जनता पक्षाची भूमिका सर्वांना माहित आहे, भाजपा हा आरक्षण विरोधी आहे. २०१४–१९ मध्ये राज्यात फडणवीस सरकार होते. त्यांच्याच सरकारने मराठा समाजाला १६ टक्के आरक्षण देण्याचा निर्णय घेतला होता, सुप्रीम कोर्टाने त्यावर ताशेरे ओढले. फडणवीस सरकरला अधिकार नसतानाही त्यांनी गायकवाड आयोग नेमला होता. भाजपा आरक्षणाच्या नावाखाली मराठा समाजाची दिशाभूल करून कुणबी व मराठ्यांमध्ये भांडण लावण्याचे काम करत आहेत. भाजपाच्या या कुटनीतीला मराठा व कुणबी समाज ओळखून आहे, असंही पटोले म्हणाले.

भंडारा जिल्ह्यातील गोसीखुर्द जलाशय येथे जागतिक दर्जाचा जलपर्यटन प्रकल्प उभारण्यात येणार आहे. महाराष्ट्र पर्यटन विकास महामंडळाच्या माध्यमातून करण्यात येणार आहे. गोसीखुर्द जलाशयात ४५ कि.मी. जलप्रवास पात्र आहे. याठिकाणची नैसर्गिक विविधता, मोठ्या बेटांची आणि बंदरांची उपलब्धता असल्याने आंतरराष्ट्रीय जलपर्यटन करण्यात येणार आहे. देशातील सर्वोत्तम असा हा जलपर्यटन प्रकल्प जानेवारी २०२४ पर्यंत पूर्ण करण्याच्या सूचना मुख्यमंत्री एकनाथ शिंदे यांनी दिल्या.

हिमाचल प्रदेशातील मंडी जिल्ह्यात ४० प्रवाशांसह बस दरीत कोसळल्याची घटना घडली. या अपघातात बसमधील अनेक प्रवाशांसह चालक आणि वाहक जखमी झाले आहेत. जखमींना रुग्णालयात दाखल करण्यात आले आहे.

दहावीचा SSC बोर्डाचा निकाल उद्या, २ जून रोजी १ वाजता जाहीर करण्यात येणार आहे.

मणिपूर हिंसाचाराची चौकशी करण्यासाठी उच्च न्यायालयाच्या निवृत्त न्यायाधीशांच्या अध्यक्षतेखाली न्यायिक आयोग स्थापन केला जाईल, अशी माहिती केंद्रीय गृहमंत्री अमित शहा यांनी आज दिली. मणिपूरमध्ये ३ मेपासून सुरू झालेल्या हिंसाचारात आतापर्यंत ८० जणांना जीव गमवावा लागला आहे. गृहमंत्री गेल्या तीन दिवसांपासून मणिपूरमध्ये आहेत. या दरम्यान त्यांनी पीडितांच्या कुटुंबीयांसाठी मोठ्या घोषणाही केल्या आहेत. मृतांच्या कुटुंबीयांना १० लाख रुपयांची भरपाई आणि एका व्यक्तीला सरकारी नोकरी देण्यात येईल, असंही शहा यांनी सांगितलं. पाच लाख रुपये केंद्र सरकार आणि पाच लाख रुपये राज्य सरकार देणार आहे.

IB recruitment : इंटेलिजन्स ब्युरो अर्थात आयबीच्या अधिकाऱ्यांची तब्बल ७९७ जागांसाठी भरती प्रक्रिया सुरू करण्यात आली आहे. उद्या ३ जून पासून अर्ज प्रक्रिया सुरू होणार असून २३ जून पर्यंत अर्ज भरता येणार आहे.

बृजभूषण शरण सिंह यांच्या अटकेच्या मागणीसाठी भारतीय किसान युनियनचे अध्यक्ष नरेश टिकेत यांनी आज  खाप महापंचायत बोलावली आहे. ही महापंचायत उत्तर प्रदेशातील मुझफ्फरनगरमध्ये आयोजित केली जाणार आहे.

डिसेंबर 2022 मध्ये पंतप्रधानपदाची सूत्रं हाती घेतल्यानंतर प्रचंड यांचा हा पहिलाच द्विपक्षीय परदेश दौरा आहे. चार दिवसांच्या भारत दौऱ्यावर आलेले नेपाळचे पंतप्रधान पुष्पकमल दहल 'प्रचंड' गुरुवारी पंतप्रधान नरेंद्र मोदी यांची भेट घेणार आहेत.

रिझर्व्ह बँक ऑफ इंडियानं अनक्लेम्ड रक्कम परत करण्यासाठी 100 दिवस 100 पेमेंट मोहीम सुरू केली आहे. याद्वारे RBI नं बँकांना प्रत्येक जिल्ह्यातील प्रत्येक बँकेतील किमान 100 अनक्लेम्ड डिपॉजिट ठेवी ग्राहकांना 100 दिवसांच्या आत परत करण्याचे निर्देश दिले आहेत. याद्वारे आरबीआय इनअॅक्टिव आणि अनक्लेम्ड रकमेची संख्या कमी करण्याचा प्रयत्न करत आहे.

मुंबई  : छत्रपती शिवाजी महाराजांच्या राज्याभिषेकाला ३५० वर्षे पूर्ण झाली आहेत. यानिमित्त राज्य शासनामार्फत रायगडावर शिवराज्याभिषेक वर्ष सोहळा मोठ्या दिमाखात साजरा केला जाणार असून कार्यक्रमासह येथे येणाऱ्या शिवभक्तांच्या सेवेसाठी प्रशासन देखील सज्ज झाले आहे. शुक्रवार २ जून रोजी सकाळी ८.३० वाजता या सोहळ्याचा उद्घाटनाचा कार्यक्रम होणार आहे. यात प्रधानमंत्री नरेंद्र मोदी यांच्या संदेशाचे प्रक्षेपण केले जाणार आहे. या सोहळ्यात १ जूनपासून रायगड परिसरात विविध सांस्कृतिक कार्यक्रमांचे आयोजन करण्यात आले आहे.

बारामती, जि.पुणे येथील शासकीय वैद्यकीय महाविद्यालयाचे पुण्यश्लोक अहिल्यादेवी होळकर शासकीय वैद्यकीय महाविद्यालय असे नामकरण करण्यास मंजुरी देण्यात आली असल्याची माहिती वैद्यकीय शिक्षण मंत्री गिरीष महाजन यांनी दिली. राजमाता पुण्यश्लोक अहिल्यादेवी होळकर यांच्या जयंतीचे औचित्य साधून शासनाच्या वतीने त्यांच्या कर्तृत्वाच्या गौरव म्हणून  या बाबतचा शासन निर्णय प्रसिद्ध करण्यात आला. 

New Train for LAC : केंद्र सरकार शिवोक-रंगपो रेल्वे लाईन योजनेच्या विस्ताराअंतर्गत भारत-चीन सीमेपर्यंत रेल्वे कनेक्टिव्हिटी वाढवण्याच्या तयारीत आहे. सिक्कीमची राजधानी गंगटोक मार्गे रांगपो नाथुला ते चीनच्या सीमेपर्यंत नवीन रेल्वे लाईन टाकण्यात येणार आहे. विभागीय रेल्वे रंगपो-गंगटोक रेल्वे मार्गाचा तपशीलवार प्रकल्प अहवाल (डीपीआर) तयार करत आहे, जो ऑगस्टपर्यंत पूर्ण होईल.