UK Elections 2024: ब्रिटनच्या संसदीय निवडणुकीत ऋषी सुनक यांचा कंझर्वेटिव्ह पक्ष भुईसपाट; लेबर पक्षाची मोठी लाट

सत्ताधारी कन्झर्व्हेटिव्ह पक्षाचा गेल्या दोन वर्षांचा कारभार आणि उलथापालथ पाहता यादरम्यान अनेक वाद निर्माण झाले होते. त्यात पंतप्रधानांची तडकाफडकी बदलने असो, ब्रिटनची ढासळलेली अर्थव्यवस्था आणि कोव्हिड-१९ साथीचे ढिसाळ व्यवस्थापन हे निवडणुकीतील प्रचाराचे महत्त्वाचे मुद्दे ठरले होते. मावळते पंतप्रधान ऋषी सुनक यांचा पराभव होण्यासाठी हे मुद्दे कारणीभूत ठरल्याचे बोलले जाते.

हे वाचाः ब्रिटनचे पंतप्रधान ऋषी सुनक यांनी कुटुंबियांसोबत साजरी केली दिवाळी; पाहा फोटो

कोण आहेत कीर स्टार्मर?

• कीर स्टार्मर यांच्या नेतृत्वाखालील लेबर पक्षाने आतापर्यंत ४०३ जागांवर विजय मिळवला आहे, तर कंझर्व्हेटिव्ह पक्षाला एकूण ११० जागांवर विजय मिळवला आहे.
• लेबर पार्टी, कन्झर्व्हेटिव्ह पार्टी, लिबरल डेमोक्रॅट्स, रिफॉर्म यूके, स्कॉटिश नॅशनल पार्टी (एसएनपी) आणि ग्रीन पार्टी हे प्रमुख राजकीय पक्ष निवडणुकीच्या रिंगणात आहेत.
• एक्झिट पोलच्या अंदाजानुसार लेबर पक्षाला ४१० जागा मिळतील, तर पंतप्रधान ऋषी सुनक यांच्या कन्झर्व्हेटिव्ह पार्टीला १३१ जागा मिळण्याची शक्यता आहे. या निवडणुकीत लिबरल डेमोक्रॅट पक्षाला ६० पेक्षा जास्त जागा मिळण्याची शक्यता आहे. तर इतर पक्षांना ४५ पेक्षा जास्त जागा मिळण्याची शक्यता आहे.
• कीर स्टार्मर यांच्या लेबर सरकारच्या काळात पक्षाच्या नेत्या अँजेला रायनर यांना उपपंतप्रधानपद दिले जाण्याची शक्यता आहे, तर अर्थतज्ज्ञ रेचल रीव्ह्स यांना अर्थमंत्री पद दिले जाण्याची शक्यता आहे.
• एक्झिट पोलनुसार कन्झर्व्हेटिव्ह पक्षाने यंदा सर्वात वाईट निवडणूक मोहीम राबवली होती असं ३८ टक्के ब्रिटनच्या नागरिकांना वाटते तर लेबर पार्टीची प्रचार मोहीम वाईट होती असं केवळ ८ टक्के लोकांना वाटतं.
• कन्झर्व्हेटिव्ह पार्टीने प्रचारादरम्यान ऋषी सुनक यांनी आपल्या २० महिन्यांच्या कारकिर्दीत ब्रिटनमध्ये आर्थिक सुधारणांवर लक्ष केंद्रित केले होते. जर सरकार बदललं तर अर्थव्यवस्थेला धोका निर्माण होईल, असा प्रचार केला होता.
• दरम्यान, कीर स्टार्मर यांच्या नेतृत्वाखालील लेबर पार्टीने माजी पंतप्रधान बोरिस जॉन्सन यांच्याशी संबंधित वाद, कोविड -१९ महामारीतील गैरव्यवस्थापन आणि त्यांच्या निवडणूक प्रचारादरम्यान कामगारांच्या हक्कांच्या मुद्द्यांवर प्रकाश टाकला होता.

हे वाचाः ब्रिटिश संसदेच्या निवडणुकीत मराठी मावळ्याची उडी; मूळचे संभाजीनगरचे सुशील रापटवार यांना कंझरव्हेटिव्ह पार्टीकडून उमेदवारी

हे वाचाः दिगंबर दराडे लिखित ऋषी सुनक या पुस्तकास प्रचंड प्रतिसाद, आठ दिवसांत तिसरी आवृत्ती