Doctor rape murder : ममता बॅनर्जी सरकारकडून महिलांसाठी नवीन सुरक्षा उपाययोजना लागू, काय आहेत तरतुदी?

सरकारने जारी केलेल्या नवीन सुरक्षा उपाययोजना -

• सरकारी रुग्णालये, वैद्यकीय महाविद्यालये, वसतिगृहे आणि इतर कामाच्या ठिकाणी रात्रपाळीत काम करणाऱ्या महिलांना सुरक्षित कामाची परिस्थिती सुनिश्चित करण्यासाठी सरकारने महिलांसाठी स्वच्छतागृहांसह स्वतंत्र विश्रांतीगृहांची तरतूद करण्याची शिफारस केली आहे.
• रात्रीच्या वेळी रतीर साथी किंवा महिला स्वयंसेविका ड्युटीवर असतील. सीसीटीव्ही आणि त्याच्या देखरेखीद्वारे महिलांसाठी सुरक्षित झोन निश्चित केले जातील आणि तयार केले जातील. अलार्म डिव्हाइससह एक विशेष मोबाइल फोन अॅप विकसित केले जाईल जे सर्व नोकरदार महिलांनी अनिवार्यपणे डाउनलोड केले  पाहिजे. जे स्थानिक पोलिस स्टेशन आणि पोलिस नियंत्रण कक्षाशी जोडले जाईल, असे सरकारने म्हटले आहे. 
• पश्चिम बंगाल सरकारने  १०० आणि  ११२ हेल्पलाईन क्रमांक जारी केले आहेत, ज्याचा कोणत्याही भीती किंवा आपत्कालीन परिस्थितीत मोठ्या प्रमाणात वापर करण्याचे आवाहन करण्यात आले आहे.
• वैद्यकीय महाविद्यालये आणि रुग्णालये, सुपर स्पेशालिटी रुग्णालये आणि जिल्हा रुग्णालयांमध्ये सुरक्षा तपासणी आणि ब्रेथलायझर चाचण्या केल्या जातील, असे सरकारने म्हटले आहे.
• कामाच्या ठिकाणी होणाऱ्या लैंगिक छळाबाबत सर्व संघटनांनी विशाखा समिती स्थापन करावी, अशी विनंती करण्यात येणार आहे.
• रात्रीच्या वेळी एकमेकांच्या हालचालींची जाणीव व्हावी, यासाठी महिलांना जोडीने किंवा संघात काम करण्याचे वेळापत्रक तयार करण्यासाठी संस्थांना प्रोत्साहित केले जाईल.

वैद्यकीय महाविद्यालयांमध्ये रात्रीची गस्त -

सर्व वैद्यकीय महाविद्यालये, रुग्णालये, महिला वसतिगृहे आणि तत्सम ठिकाणी रात्रीपोलिस गस्त घालण्यात येणार असल्याचे राज्य सरकारने म्हटले आहे.

दिल्लीतून झाली बेपत्ता, हरियाणात लिव-इन आणि यूपीमध्ये आढळला मृतदेह.. नाकातील नथीने उकललं गूढ अन् मृत मुलगी जिवंत सापडली!

रुग्णालये व संबंधित सुविधांमध्ये सर्व मजल्यांवर पिण्याच्या पाण्याची पुरेशी सुविधा उपलब्ध करून देण्यात येणार आहे. वैद्यकीय महाविद्यालये आणि रुग्णालयातील सर्व प्राध्यापक, कर्मचारी आणि सुरक्षा रक्षकांनी ओळखपत्र प्रदर्शित करणे आवश्यक आहे. सर्व वैद्यकीय महाविद्यालये, रुग्णालये आणि जिल्हा रुग्णालयांमध्ये सुरक्षेवर देखरेख ठेवण्यासाठी पोलिसांकडून एक सुरक्षा अधिकारी नेमण्यात येणार आहे.

शासकीय वैद्यकीय महाविद्यालये, जिल्हा रुग्णालये व तत्सम संस्थांमधील सुरक्षा रक्षकांमध्ये पुरुष व महिला कर्मचाऱ्यांचा समावेश असावा, असे निर्देशही शासनाने दिले आहेत