पोटच्या दोन मुलांना तलावात बुडताना पाहून आई- वडिलांची पाण्यात उडी; अन् पुढं भयंकर घडलं!
पोलिसांनी दिलेल्या माहितीनुसार, मुलांना वाचवण्यासाठी पाण्यात उडी घेतलेल्या आई- वडिलांना रुग्णालयात दाखल करण्यात आले. त्यांच्यावर रुग्णालयात उपचार सुरू आहेत.
Two children drown In Karnataka: कर्नाटकच्या कुंडापूर तालुक्यात शनिवारी धक्कादायक घटना घडली. पोटच्या दोन मुलांना नांदोली तलावात बुडताना पाहून पालकांनी पाण्यात उडी घेतली. मात्र, दुर्दैवाने दोन्ही मुलांचा मृत्यू झाला असून त्यांच्या पालकावर जवळच्या रुग्णालयात उपचार सुरू आहेत. कोल्लूर पोलिस ठाण्याच्या हद्दीत ही घटना घडली. या घटनेने परिसरात एकच खळबळ माजली असून याप्रकरणी पोलीस अधिक तपास करीत आहेत.
धनराज माडीवाला (वय, १३) आणि छाया माडीवाला (वय, ७) अशी मृतांची नावे आहेत. दोघेही वांदसे येथील शाळेत शिकत होते. दोघेही नांदोली तलावाजवळ फिरत असताना पाण्यात पडले. त्यांचे आई-वडील शीला आणि सतीश यांनी त्यांना वाचवण्याचा प्रयत्न केला. पण त्यांचा प्रयत्न निष्पळ ठरला. कृषी विभागाचे स्थानिक अधिकारीही घटनास्थळी दाखल झाले, पण त्यांना फारसे काही करता आले नाही. दोन्ही मुलांचा पाण्यात बुडून मृत्यू झाला. सतीश आणि शीला यांना वाचवण्यात यश आले. ही घटना कुंडापूर तालुक्यातील कोल्लूर पोलिस ठाण्याच्या हद्दीतील बेताला गावात घडली.
आई-वडिलांवर रुग्णालयात उपचार सुरू
सतीश आणि शीला यांच्यावर कुंडापूर रुग्णालयात उपचार सुरू आहेत. शीला यांची प्रकृती सुधारत आहे, तर सतीश गंभीर देखरेखीखाली आहे. पोलिसांनी अनैसर्गिक मृत्यूची नोंद करून तपास सुरू केला आहे, अशी माहिती एका पोलिस अधिकाऱ्याने दिली.
पाण्याने भरलेल्या खड्ड्यात बुडून दोन मुलांचा
लखनौच्या खुर्रम नगरमध्ये शनिवारी दुपारी पाण्याने भरलेल्या खड्ड्यात बुडून दोन मुलांचा मृत्यू झाला. कासिम (वय, १०) आणि शिफा (वय, १३) या दोन्ही अल्पवयीन मुलांचे मृतदेह बचावपथकाने बाहेर काढले. ही मुले इंदिरा नगर पोलीस ठाण्याच्या खुर्रम नगर चौकीजवळील झोपडपट्टीतील होती. त्यांचे कुटुंब गोंडा येथील रहिवासी होते. स्थानिकांच्या म्हणण्यानुसार, त्यांचा आरडाओरडा ऐकून अल्पवयीन मुले खड्ड्यात पडल्याचे समजले. शिफाचे काका नौशाद यांनी माध्यमांना सांगितले की, जेव्हा ही घटना घडली तेव्हा घरात फक्त तिची आई होती. शिफा निसर्गाच्या हाकेला हजेरी लावण्यासाठी खड्ड्याजवळ गेली असताना चिखलामुळे तिचा पाय घसरला. कासिमही तेथे होता. एकमेकांना मदत करण्याच्या प्रयत्नात ते खड्ड्यात पडले.
संबंधित बातम्या