प्रेमी युगुल समजून भाऊ-बहिणीला ३ तास बेदम मारहाण, पोलिसांमुळं वाचला जीव

मिळलेल्या माहितीनुसार, मावस भाऊ- बहिण कर्नाटक सरकारच्या युवा निधीसाठी अर्ज करण्यासाठी बेळगावी आले होते. सर्व्हरच्या समस्येमुळे त्यांना उशीर झाला. त्यानंतर दोघेही जवळच्या तलावावर गेले. मुलीचे वय २४ तर, मुलाचे वय २१ वर्षे असल्याचे सांगण्यात येत आहे. दोघेही यमनापूर गावचे रहिवासी आहेत. तलावाजवळील काही रहिवाशी लोकांनी त्यांना जोडपे समजून जवळपास ३ तास बेदम मारहाण केली.

या हल्ल्यात दोघेही गंभीररित्या जखमी झाले. त्यांना बिम्समध्ये दाखल करण्यात आले. याप्रकरणी पोलिसांनी १७ आरोपींपैकी नऊ जणांना अटक केली आहे, यात दोन अल्पवयीन आहेत. दोघांच्या आई सख्या बहिणी आहेत. मात्र, त्यांच्या आईंनी वेगवेगळ्या धर्मात लग्न केले. दोघांनी जमावाला समजवण्याचा खूप प्रयत्न केला, एकानेही त्यांचे ऐकले नाही आणि त्यांना मारहाण केली, अशी माहिती पोलिसांनी दिली.

SBI ATM Theft: एटीएम फोडता आले नाही म्हणून चोरट्यांनी चक्क मशीनच पळवले

घटनेच्या वेळी मुलीने तिच्या नातेवाईकालाही बोलावले आणि ते मावस भाऊ असल्याचे समजावून सांगण्यास सांगितले. मात्र, येथील जमावाने काहीही न ऐकता मारहाण सुरूच ठेवली. मुलाच्या नातेवाईकाने त्याला फोन केला असता फोन बंद होता. त्यानंतर मुलाच्या पालकांनी पोलिसांना याबाबत माहिती दिली. त्यानंतर मुलाचे नातेवाईक पोलिसांसह घटनास्थळी पोहोचले आणि त्यावेळी त्यांना दोन्ही मुलांचा किंचाळण्याचा आवाज ऐकू आला. याप्रकरणी पोलिसांनी पुढील कारवाईला सुरुवात केली.