'मी नपुंसक आहे, मूल होण्यासाठी दुसऱ्या पुरुषांसोबत झोप', नकार देताच पतीने पत्नीचा दाबला गळा

वास्तविक या घटनेसंदर्भात केंद्रीय फोरेंसिक प्रयोगशाळेचा अहवाल सादर करण्यात आला होता. त्यात महिलेचा गळा दाबून खून करण्यात आल्याचे समोर आले. आपण नपुंसक असल्याचा दावा भीमण्णाने केला आहे. त्यामुळे तो पत्नीला वारंवार इतर पुरुषांसोबत झोपायला सांगायचा, जेणेकरून त्यांना मुलं होऊ शकतील.

अंधश्रद्धेतून रक्तरंजित खेळ..! जादू-टोणा केल्याच्या संशयातून ३ महिलांसह ५ जणांची हत्या

 २५ जुलै रोजी हे दोघे गंगनाला गावातील शरणा बसम्मा यांच्या घरी गेले होते. जेवण झाल्यावर दोघे झोपायला घराच्या पहिल्या मजल्यावर गेले. यावेळी भीमण्णाने आपल्या पत्नीला इतर पुरुषांसोबत शारीरिक संबंध ठेवायला सांगितले जेणेकरून त्यांना मूल होऊ शकेल. हे ऐकून बाशम्मा संतापली आणि म्हणाली की ती असे कधीच करणार नाही. तसेच आई-वडिलांकडे याबद्दल तक्रार करण्याची धमकी दिली.

चेटकीण असल्याच्या संशयातून दोन महिलांना निर्वस्त्र करून मारहाण, दोघींचाही मृत्यू

मिळालेल्या माहितीनुसार, पत्नीचे हे बोलणे ऐकून भीमण्णा संतापला आणि त्याने पत्नीचा गळा दाबून खून केला. त्यानंतर तिने सासरच्यांना फोन करून बसमा काहीच बोलत नसल्याचे तसेच तिला हृदयविकाराचा झटका आल्याचे दिसत असल्याचे सांगितले. महिलेला तातडीने जवळच्या रुग्णालयात नेण्यात आले, जिथे डॉक्टरांनी तिला मृत घोषित केले. मात्र, बसम्मा यांचा संशयास्पद मृत्यू झाल्याचे रुग्णालयाकडून पोलिसांना सांगण्यात आले. हे कळल्यानंतरही महिलेच्या आई-वडिलांनी भीमाण्णा निर्दोष मानल्याने त्याच्याविरोधात कोणतीही तक्रार दाखल केली नाही. मात्र, सीएफएसएलचा अहवाल समोर येताच संपूर्ण गूढ उलगडले आणि आरोपीला अटक करण्यात आली.

स्पर्धा जिंकण्यासाठी एकाच वेळी तीन इडल्या गिळल्या; तरुणाचा तडफडून मृत्यू