कमला हॅरिस यांच्या पतीचे विवाह बाह्य संबंध! पहिल्या पत्नीची फसवणूक, मुलांच्या शिक्षिकेशी होतं लफडं; स्वत: चूक केली मान्य
kamala harris husband : अमेरिकेच्या अध्यक्षपदाच्या निवडणुकीतून जो बायडेन यांनी माघार घेतली आहे. त्यांच्या जागी कमला हॅरिस या अध्यक्ष पदासाठी उभ्या राहील्या आहेत. कमला हॅरिस यांच्या पती संबंधी मोठी बातमी पुढे आली आहे. ज्याची चर्चा संपूर्ण अमेरिकेत सुरू आहे.
kamala harris husband : अमेरिकेत राष्ट्राध्यक्षपदाच्या निवडणुकीचा प्रचाराचा ज्वर चांगलाच वाढला आहे. जो बायडन यांनी अमेरिकेच्या राष्ट्राध्यक्ष पदाच्या निवडणुकीतून माघार घेतली आहे. त्यांच्या ऐवजी उपराष्ट्रपती कमला हॅरिस या अध्यक्षपदाची निवडणूक लढवत आहे. त्या निवडणूक प्रचारात उतरल्या आहेत. याच दरम्यान, कमला हॅरिस यांचे पती डग एमहॉफ यांच्या बद्दल मोठी बातमी पुढे आली आहे. डग एमहॉफ यांनी शनिवारी आपल्या पहिल्या पत्नीची फसवणूक केल्याची कबुली दिली. एका ब्रिटीश टॅब्लॉइडच्या वृत्तपत्रात याबाबात दावा करण्यात आला असून डग एमहॉफ यांचे त्यांच्या मुलांच्या शिक्षिकेची शारीरिक संबंध असून यातून ती गर्भवती राहिली होती.
डेली मेलच्या वृत्तानुसार, डग एमहॉफ यांचे त्यांच्या मुलाची शिक्षिका नजाने नायलरसोबत अफेअर होते. डग एमहॉफ यांनी त्यांच्या दोन मुलांना खाजगी शाळेत टाकले होते. या घटनेला १५ वर्षांहून अधिक काळ लोटला आहे. कमला हॅरिस यांच्या सोबत लग्न होण्यापूर्वी डग एमहॉफ यांचे कर्स्टिन हीच्या सोबत लग्न झाले होते. त्यांच्या या अफेअरचे त्यांच्या एका जवळच्या व्यक्तीला माहिती होती. या व्यक्तिने नायलर ही गर्भवती असल्याची माहिती उघड केली होती. तसेच तिने गर्भपात केल्याचे देखील या व्यक्तीने डग एमहॉफ यांना संगितले.
एमहॉफ यांनी सीएनएनला दिलेल्या निवेदनात या संबंधी खुलासा केला आहे. त्यांनी नेलरचे नाव न घेता किंवा ती गर्भवती राहिली हे न सांगता, दोघांचे संबंध असल्याचे मान्य केले. सीएनएनशी बोलताना डग एमहॉफ म्हणाले, "माझ्या पहिल्या लग्नादरम्यान, कर्स्टिन आणि मी माझ्यामुळे काही चुकीच्या वागणुकीमुळे कठीण काळातून गेलो. मी जबाबदारी घेतली आणि त्यानंतरच्या काही वर्षांत आम्ही कुटुंब म्हणून वेळ घालवला."
डग एमहॉफ यांची पहिली पत्नी कर्स्टिन हिने शनिवारी एका निवेदनात सांगितले की, "डग आणि मी अनेक वर्षांपूर्वी आमचे वैवाहिक संबंध काही कारणांमुळे थांबवण्याचा निर्णय घेतला होता. डग एमहॉफ हा माझ्या मुलांचा एक चांगला वडील आहे तसेच तो माझा चांगला मित्र देखील आहे. डग आणि मी आम्ही एकत्र असतांना घालवलेला वेळ माझ्यासाठी अभिमानास्पद आहे.
एका स्रोताचा हवाला देऊन, सीएनएनने वृत्त दिले की अध्यक्ष जो बायडेन यांच्या चौकशी समितीला चार वर्षांपूर्वी या प्रकरणाची माहिती झाली. २०२० च्या यूएस अध्यक्षपदाच्या निवडणुकीत त्यांनी कमला हॅरिस यांची उपराष्ट्रपती म्हणून निवड केली.