जपानमधील वृद्ध लोकसंख्येसाठी एकटेपणा ही सर्वात मोठी सामाजिक समस्या म्हणून उदयास येत आहे. यामुळे वृद्धांकडून कायदे मोडले जात आहेत. नुकतेच एका ८१ वर्षीय महिलेने असेच केले. महिलेच्या म्हणण्यानुसार, तिचा अन्न आणि निवाऱ्याचा प्रश्न सोडवण्यासाठी तिने मुद्दाम कायदा मोडला, त्यामुळे पोलिसांनी तिला तुरुंगात टाकले.
टोकियोतील तोचिगी महिला कारागृहात शिक्षा भोगत असलेल्या ओकिओ म्हणाल्या की, तुरुंगात आल्याने तिच्या आयुष्यात स्थैर्य आले आहे. "मी वयाच्या ६० व्या वर्षी पहिल्यांदा असं केलं, जेव्हा मला अन्न चोरल्याबद्दल तुरुंगात डांबण्यात आलं होतं. त्यानंतर तुरुंगात मला चांगले अन्न आणि निवारा मिळाला, म्हणून मी हे करण्याचा निर्णय घेतला. जपान सरकार वृद्धांसाठी पेन्शन सेवा चालवते, पण त्यात जगणे खूप कठीण आहे.
सीएनएनने दिलेल्या वृत्तानुसार, या कारागृहात ५०० हून अधिक महिला कैदी आहेत, त्यापैकी प्रत्येक चौथा कैदी वृद्ध आहे. कारागृहातील वातावरण चांगले आहे, असे ओकिओ यांनी सांगितले. इथले लोक एकमेकांना मदत करतात. जर मी आर्थिकदृष्ट्या मजबूत असते तर कदाचित मी तुरुंगात जाण्याचा विचार केला नसता, पण तसे नाही.माझं कुटुंब माझ्यापासून वेगळं राहतं, म्हणूनच मला तरुंगात यावं लागलं.
अकिओ यांनी सांगितले की, तुरुंगात जाण्यापूर्वी ती आपल्या ४३ वर्षीय मुलासह कंपाऊंडमध्ये राहत होती. पण त्याचे मुलासोबत भांडण झाले. मी घराबाहेर पडले तेव्हा माझी तब्येत आणखीनच बिकट झाली. माझ्या आयुष्यात काहीच शिल्लक राहिलेलं नाही असं मला वाटत होतं. मग मी इथे यायचं ठरवलं.
अलीकडच्या काळात अशा अनेक घटना घडल्या आहेत ज्यात जपानी ज्येष्ठांनी अन्न, निवारा आणि एकटेपणाच्या समस्येवर मात करण्यासाठी तुरुंगात जाणे पसंत केले. जपानमधील वाढती वयोवृद्ध लोकसंख्या ही येथील सर्वात मोठी समस्या आहे. एकाकीपणाच्या ताणामुळे वृद्ध किरकोळ गुन्हे करून तुरुंगात जातात. येथे त्यांच्या जेवणाची व राहण्याची व्यवस्था केली जाते आणि आयुष्यात थोडं स्थैर्य येते.
संबंधित बातम्या