पाकव्याप्त काश्मीरमध्ये हमासची एंट्री! जैशसोबत हातमिळवणी करत पीएम मोदी, अमित शहा यांना शत्रू म्हटलं, भारताचं टेंशन वाढलं

गुप्तचर यंत्रणांच्या म्हणण्यानुसार, पाकिस्तानची इंटर सर्व्हिसेस इंटेलिजन्स (आयएसआय) आता हमासला जैश-ए-मोहम्मदसोबत काश्मीरमध्ये लढण्यासाठी दबाव टाकत आहे. या कार्यक्रमात जैश, लष्कर-ए-तोयबा आणि हमास यांनी एकाच व्यासपीठावर येत भारत विरोधी व्यक्तव्य केले. व्हायरल झालेल्या या व्हिडिओमध्ये जैशचे दहशतवादी व्यासपीठावर हमासच्या नेत्यांना संरक्षण देताना दिसत आहेत.

न्यूज 18 ने गुप्तचर सूत्रांच्या हवाल्याने म्हटलं की, जर हमास आता पाकव्याप्त काश्मीरमध्ये सक्रिय होणार असल्याच कालच्या बैठकीवरून सिद्ध झालं आहे. त्यामुळे पाकिस्तानचे दहशतवादाला खतपाणी घालत असल्याचं पुन्हा एकदा सिद्ध झालं आहे. हमासने आतापर्यंत प्रामुख्याने इस्रायल-पॅलेस्टाईन संघर्षावर लक्ष केंद्रित केले होतं, परंतु दक्षिण आशियातील दहशतवादी गटांशी त्यांचा संबंध आतापर्यंत मर्यादित होता. मात्र, या घटनेनंतर यात वाढ होत असल्याचंन दिसत आहे.

इस्रायली पुरुषांवर बलात्कार केल्याप्रकरणी भडकला हमास! आपल्याच 'गे' साथीदाराला दिली भयानक मृत्युदंडाची शिक्षा

या दहशतवादी संघटनांनी अनेक सामान्य नागरिकांना लक्ष्य केलं आहे. तसेच अनेक दहशतवादी हल्ले देखील केले आहेत. त्यामुळे या दोन्ही दहशतवादी संघटना एकत्र आल्याने भारताचं टेंशन वाढलं आहे. जैश आणि लष्करसारख्या संघटनांना आश्रय आणि पाठिंबा दिल्याचा आरोप पाकिस्तानवर यापूर्वीही करण्यात आला आहे.