israel vs lebanon : लेबनॉनमध्ये हाहाकार! इस्रायलचा हिजबुल्लाहवर दोन दशकांतील सर्वात मोठा हल्ला, ४९२ नागरिक ठार

सोमवारी इस्रायलने लेबनॉनमध्ये हवाई हल्ले सुरू केले. तसेच हे हल्ले आणखी तीव्र करण्यात येणार असल्याची माहिती देखील इस्राइलने दिली. लेबनॉनच्या अधिकाऱ्यांनी सांगितले की, सोमवारी झालेल्या हल्ल्यांमध्ये ४९० हून अधिक लोकांचा मृत्यू झाला आहे. लेबनीज आरोग्य मंत्रालयाने जारी केलेल्या आकडेवारीनुसार ४९२ लोकांचा मृत्यू झाला आहे. यामध्ये ३५ मुले आणि ५८ व महिलांचा समावेश आहे. तर १६४५ जण जखमी झाले आहेत.

इस्रायलने नागरिकांना दिली होती हल्ल्याची पूर्वकल्पना

या हल्ल्यांनंतर हजारो लेबनीज नागरिक दक्षिणेकडे पळून गेल्याचे वृत्त आहे. २००६ नंतरचे हे सर्वात मोठे स्थलांतर आहे. इस्रायलचे पंतप्रधान बेंजामिन नेतन्याहू यांनीही लेबनॉनच्या नागरिकांना हा परिसर रिकामा करण्याचे आवाहन केले होते. विशेषत: पूर्व आणि दक्षिण लेबनॉनमधील नागरिकांसाठी एक चेतावणी जारी करण्यात आली. हा इशाराही त्यांनी गांभीर्याने घेण्यास सांगितले. ते म्हणाले होते, 'आमचे ऑपरेशन पूर्ण झाल्यानंतर तुम्ही सुरक्षितपणे तुमच्या घरी परत येऊ शकता.'

इस्रायलच्या लष्कराचे प्रवक्ते रिअर ॲडमिरल डॅनियल हगारी म्हणाले की, लेबनॉनच्या इस्त्रायलच्या सीमेवरून हिजबुल्लाला नष्ट करण्यासाठी जे काही आवश्यक असेल ते लष्कर करेल. हवाई हल्ल्यामुळे हिजबुल्लाचे मोठे नुकसान झाल्याचा दावा त्यांनी सोमवारी केला. गरज भासल्यास इस्रायल लेबनॉनमध्ये जमिनीवर हल्ला करण्यास देखील तयार असल्याचेही त्यांनी सांगितले.

ते म्हणाले, 'आम्हाला युद्ध नको आहे. आम्हाला जोखीम कमी करायची आहेत. 'हे मिशन पूर्ण करण्यासाठी आम्ही जे काही आवश्यक आहे ते करू. हिजबुल्लाहने ऑक्टोबरपासून इस्रायलवर ९ हजार रॉकेट डागले आहेत.

व्हॅटिकनच्या धर्तीवर स्वतंत्र मुस्लिम देश बनवणार, महिलांनाही पूर्ण स्वातंत्र्य देण्याची योजना

अमेरिका पश्चिम आशियामध्ये लष्कर वाढवणार

एजन्सीच्या म्हणण्यानुसार, लेबनॉनमध्ये इस्रायल आणि हिजबुल्लाह सैन्यांमधील वाढता संघर्ष लक्षात घेऊन अमेरिका पश्चिम आशियामध्ये अतिरिक्त सैन्य तैनात करणार आहे. ज्यामुळे या परिसरात युद्ध आणखी भडकण्याचा धोका वाढला आहे. अमेरिकेच्या संरक्षण मंत्रालयाने सोमवारी ही माहिती दिली. पेंटागॉन (संरक्षण विभाग) चे प्रेस सेक्रेटरी मेजर जनरल पॅट रायडर यांनी किती अतिरिक्त सैन्य पाठवले जाईल किंवा त्यांना कोणती कामे सोपवली जातील याबद्दल कोणतीही माहिती दिली नाही. अमेरिकेचे सध्या या प्रदेशात सुमारे ४०,००० हजार सैनिक तैनात आहेत. लेबनॉनमध्ये इस्रायली सैन्याने केलेल्या मोठ्या हल्ल्यांनंतर त्यात पुन्हा वाढ करण्यात आली आहे.

अक्षय शिंदेच्या एन्काउंटरनंतर बदलापुरात जल्लोष, रस्त्यावर फटाके, फोडत, एकमेकांना भरवले पेढे