हिजबुल्लाहच्या रॉकेट हल्ल्यानंतर लेबनॉनमध्ये इस्रायलचा कहर, बेरूत हल्ल्यात ८ जणांसह टॉप कमांडरचा खात्मा; ५९ जण जखमी

बैरूतच्या दाटीवाटीच्या दक्षिण उपनगरात इस्रायलचे टार्गेट काय होते, हे अद्याप स्पष्ट झालेले नाही. गर्दीच्या वेळी लोक कामावरून परतत होते व विद्यार्थी शाळेतून घरी जात होते. त्यावेळी हा हल्ला झाला. लेबनॉनच्या आरोग्य मंत्रालयाने मृतांची ओळख स्पष्ट केली नाही. लेबनानच्या वृत्तवाहिन्यांनी अपघातस्थळी रुग्णवाहिका पोहोचत असताना कोसळलेल्या इमारतीतून जखमींना बाहेर काढल्याचे फुटेज प्रसारित केले. याआधी हिजबुल्लाहने शुक्रवारी उत्तर इस्रायलवर १४० हून अधिक रॉकेट डागले, त्याला प्रत्युत्तर म्हणून इस्रायली सैन्याने लेबनॉनमधील बैरूतमध्ये 'टार्गेट स्ट्राईक' केले.

हिजबुल्लाह संघटनेच्या एका जवळच्या अधिकाऱ्यानेही नाव न छापण्याच्या अटीवर एसोसिएटेड प्रेसला दुजोरा दिला की, शुक्रवारी इमारतीला लक्ष्य करण्यात आले तेव्हा अकील उपस्थित होता. अकील यांनी हिजबुल्लाहच्या उच्चभ्रू रादवान फोर्स आणि जिहाद कौन्सिल या संघटनेच्या सर्वोच्च लष्करी संघटनेचे प्रमुख म्हणून काम पाहिले आहे. १९८३ मध्ये बैरूतमधील अमेरिकन दूतावासावर झालेल्या बॉम्ब हल्ल्याप्रकरणी अमेरिकेच्या परराष्ट्र खात्याने अकिलवर बंदी घातली होती. १९८० च्या दशकात लेबनॉनमधील अमेरिकन आणि जर्मन नागरिकांना ओलिस ठेवल्याचा आरोप आहे.

युद्धाची ठिणगी! हिज्बुल्लाहकडून पेजर व वॉकी-टॉकी हल्ल्याचा पलटवार, इस्त्रायलवर डागले १४० रॉकेट

बैरूत शहरापासून काही किलोमीटर अंतरावर असलेल्या दहिया येथे गर्दीच्या वेळी हा हल्ला झाला, जेव्हा लोक कामासाठी निघाले होते आणि विद्यार्थी शाळेतून घरी जात होते. हिजबुल्लाहने शुक्रवारी सकाळी उत्तर इस्रायलमध्ये १४० रॉकेट डागले. दहशतवादी संघटनेचा म्होरक्या हसन नसरल्लाह याने इस्रायलवर झालेल्या भीषण बॉम्बहल्ल्याचा बदला घेण्याची ग्वाही दिली होती. इस्रायली लष्कर आणि दहशतवादी गटाने ही माहिती दिली. इस्रायलच्या लष्कराने सांगितले की, शुक्रवारी दुपारी लेबनॉनच्या सीमेवरील ठिकाणांना लक्ष्य करून रॉकेटच्या तीन राऊंड डागण्यात आले.

हिजबुल्लाहने म्हटले आहे की, त्यांनी कटुशा रॉकेटद्वारे सीमेवरील अनेक ठिकाणांना लक्ष्य केले आहे, ज्यात अनेक हवाई संरक्षण तळ आणि इस्रायली लष्करी मुख्यालयाचा समावेश आहे. ते म्हणाले की, या लक्ष्यांवर प्रथमच हल्ला करण्यात आला आहे. इस्रायलच्या लष्कराने सांगितले की, गोलन हाइट्स, सफेद आणि अप्पर गॅलिली भागात १२० क्षेपणास्त्रे डागण्यात आली, त्यापैकी काही हवेत नष्ट करण्यात आली. अनेक भागात जमिनीवर पडलेल्या ढिगाऱ्यामुळे लागलेल्या आगीवर अग्निशमन दलाचे जवान नियंत्रण मिळवत आहेत, अशी माहिती लष्कराने दिली. 

कोणत्याही क्षेपणास्त्राने लक्ष्यावर हल्ला केला तसेच जीवितहानी झाली हे लष्कराने स्पष्ट केलेले नाही. मेरून आणि नटुआ भागात २० क्षेपणास्त्रे डागण्यात आली असून त्यातील बहुतांश क्षेपणास्त्रे खुल्या भागात पडल्याचे लष्कराने म्हटले आहे. या दुर्घटनेत कोणतीही जीवितहानी झाल्याचे वृत्त नाही, असे लष्कराने म्हटले आहे.