बोटीवर पार्टी करायला गेल्या, पण लाइफ जॅकेट घालण्यास नकार दिला! पुढं व्हायचं तेच झालं!

मिळालेल्या माहितीनुसार, ॲलाइन तमारा मोरेरा डी अमोरिम ३७ वर्षांची होती आणि बीट्रिज टावरेस दा सिल्वा फारिया २७ वर्षांची होती, ती तिच्या हॉट लूकसाठी ओळखली जात होती. ब्राझीलमधील डेव्हिल्स थ्रोट किनारपट्टीवर त्यांची बोट उलटली. महत्त्वाचे म्हणजे, महिनाभरापूर्वी ही घटना घडली होती. आता याप्रकरणी पोलिसांचे जबाब समोर आला आहे.

पोलिसांनी दिलेल्या माहितीनुसार, त्यांची बोट ओव्हरलोड होती. त्यांनी सेल्फीचे कारण देत लाइफ जॅकेट घालण्यास नकार दिला. यामुळे त्यांना आपला जीव गमवावा लागला आहे. घटनाग्रस्त बोटीची क्षमता पाच प्रवाशांची होती. मात्र, या बोटीतून सहा जण प्रवास करीत होते. बोट आधीच ओव्हरलोड होती, त्यात समुद्रात आलेल्या लाटेवर आदळली. त्यानंतर बोट हळूहळू पाण्यात बुडू लागली. कॅप्टनने सांगितले की, त्यांनी सर्वांना वाचवण्याचा प्रयत्न केला. परंतु, फक्त दोन जणांना वाचवण्यात त्यांना अपयश आले.

मिळालेल्या माहितीनुसार, ॲलाइन एका मुलाची आई होती. तिला पोहता येत नव्हते. तिने तिचे शेवटचे फोटो सोशल मीडियावर पोस्ट केले, जेव्हा ती बिकिनी परिधान करून बोटीवर बसली होती. या घटनेची माहिती अशी की, अनेक प्रसिद्ध इंफ्लुएंसर बोटीवर पार्टी करण्यासाठी जमले होती. त्यांनी संपूर्ण दिवस फिरण्यात आणि रात्र मद्यपान करण्यात घालवला. नंतर किनाऱ्यावर परतण्यासाठी त्यांनी दोन गट केले. यातील एक गट पाण्यात बुडाला. व्हेनेसा या प्रवाशाने सांगितले की, लाइफ जॅकेट घालून आणि खडकाला चिकटून राहिल्याने ती कशीतरी वाचली. दुसऱ्या प्रवासी कॅमिलाने सांगितले की, तिने लाइफ जॅकेट हातात धरले होते.