नील मोहन होणार YouTube चे नवे सीईओ, सिलिकॉन व्हॅलीत आणखी एका भारतीयाचा डंका

यूट्यूबची मूळ कंपनी अल्फाबेट इंक (Alphabet Inc) ने गुरुवारी १६  फेब्रुवारी रोजी याची घोषणा केली. YouTube च्या कर्मचाऱ्यांना पाठवलेल्या पत्रात सुसान व्होजिकी यांनी म्हटले आहे की, आपले कुटूंब, आरोग्य व काही वैयक्तिक प्रोजेक्ट्सवर लक्ष केंद्रित करण्यासाठी त्यांनी यूट्यूब कंपनी सोडण्याचा निर्णय घेतला आहे. 

गूगल आणि यूट्यूबची पालक कंपनी अल्फाबेटचे सीईओ सुद्धा भारतीय वंशाचे सुंदर पिचाई आहेत. यूट्यूब जगातील सर्वात लोकप्रिय व्हिडियो स्ट्रीमिंग प्लॅटफॉर्म आहे. नील मोहन सीईओबरोबरच यूट्यूबचे सीनियर व्हाइस-प्रेसिडेंटच्या भूमिकेतही असतील.

नील मोहन सध्या यूट्यूबचे चीफ प्रोडक्ट ऑफिसर आहेत. नोव्हेंबर २०१५ मध्ये त्यांनी यूट्यूब ज्वाईन केले होते. नील मोहन यांच्या लिंक्डन प्रोफाइलनुसार त्यांनी स्टॅनफोर्ड यूनिवर्सिटीतून एमबीए केले आहे. त्यांनी करिअरची सुरुवात एक्सचेंर कंपनीसोबत केली होती. 

अल्फाबेटचे सीईओ सुंदर पिचाई यांनी एका निवेदनात म्हटले आहे की, सुसान यांनी एक खूपच चांगली टीम बनवली आहे. नीलच्या रुपात त्यांचा उत्तराधिकारी मिळाला आहे. ते येणाऱ्या दशकात यूट्यूबचे नेतृत्व करण्यासाठी तयार आहेत. 

नील यांच्यापूर्वी सिलिकॉन व्हॅलीत अनेक भारतीयांनी झेंडा रोवला आहे. त्यामध्ये मायक्रोसॉफ्टचे सीईओ सत्या नाडेला, एडोबचे सीईओ शांतनु नारायण आणि आईबीएमचे सीईओ अरविंद कृष्णा सामील आहे. त्याचबरोबर जगातील मोठ्या टेक कंपन्या सध्या भारतीय वंशाचे लोक चालवत आहेत.