Modi Trump Meeting : ट्रम्प-मोदी भेटीदरम्यान भारताचा मोठा निर्णय; अमेरिकी दारूच्या टॅरिफमध्ये ५० टक्क्यांची कपात

बोरबॉन व्हिस्कीच्या आयातीवर आता १५० टक्क्यांऐवजी ५० टक्क्यांपर्यंत सीमा शुल्क आकारण्यात येणार असल्याचे महसूल विभागाने एका अधिसूचनेत म्हटले आहे. या निर्णयानुसार इतर मद्याच्या आयातीवरील सीमा शुल्कात कोणतीही कपात केली जाणार नाही आणि त्यावर १०० टक्के शुल्क आकारले जाणार आहे. अमेरिका हा भारताला बोरबॉन व्हिस्कीचा निर्यातदार देश असून भारतात आयात होणाऱ्या मद्यांपैकी एक चतुर्थांश मद्य अमेरिकेतून येते.

आधी चर्च सांभाळा… अमेरिकनं सरकारच्या इमिग्रेशन धोरणांवर टीका करणाऱ्या पोप फ्रान्सिस यांच्यावर भडकले डोनाल्ड ट्रम्प

द्विपक्षीय व्यापार वाढवण्यावर चर्चा -

यापूर्वी भारताने २०२३-२४ मध्ये २.५ दशलक्ष डॉलरची बॉर्बन व्हिस्की आयात केली होती. भारताने अमेरिका, संयुक्त अरब अमिराती, सिंगापूर आणि इटली या देशांमधून याची आयात केली. पंतप्रधान मोदी आपल्या दोन दिवसांच्या दौऱ्यावर गुरुवारी वॉशिंग्टनमध्ये दाखल झाले आणि तेथे त्यांनी राष्ट्राध्यक्ष ट्रम्प यांची भेट घेतली. पंतप्रधान नरेंद्र मोदी यांच्या अमेरिका दौऱ्यात भारत आणि अमेरिका यांनी द्विपक्षीय व्यापार २०२३ पर्यंत दुपटीने वाढवून ५०० अब्ज डॉलरपर्यंत नेण्याचे आश्वासन दिले होते.

संरक्षण, अणुऊर्जा, अंतराळ आणि दहशतवाद; पंतप्रधान मोदी आणि मॅक्रॉन यांच्यात कोणकोणत्या मुद्द्यांवर झाली चर्चा?

ट्रम्प यांचा रेसिप्रोकल टॅक्स -

दरम्यान , पंतप्रधान मोदींच्या दौऱ्याआधी ट्रम्प यांनी भारतासह जगातील सर्व देशांवर परस्पर कर लावण्याची घोषणा केली होती. माध्यमांशी बोलताना ट्रम्प म्हणाले की, ते केवळ भारतावरच नव्हे तर सर्व देशांवर हे शुल्क लादत आहेत. मोदींशी झालेल्या चर्चेत ट्रम्प यांनी व्यापार तूट कमी करण्यासाठी भारत अमेरिकेकडून अधिक तेल, गॅस आणि लष्करी उपकरणे खरेदी करेल, अशी घोषणा केली होती, परंतु अमेरिका भारतावर परस्पर शुल्क लादण्यास मागेपुढे पाहणार नाही, असे त्यांनी ठामपणे सांगितले.