अंतराळात अडकलेल्या सुनीता विल्यम्सच्या जिवाला धोका; स्पेस स्टेशनला तब्बल ५० ठिकाणी लागली गळती

पृथ्वीच्या कक्षेत फिरणाऱ्या आंतरराष्ट्रीय अंतराळ स्थानकाच्या प्रयोगशाळेला सूक्ष्म हादरे बसत असल्याचा दावा  रशियाने केला आहे. यावर नासाचे म्हणणे आहे की, अंतराळ स्थानकातून मोठ्या प्रमाणात हवा बाहेर पडत आहे, ही धोक्याची घंटा आहे. मात्र, या केंद्रात अडकून पडलेल्या अंतराळवीरांचे  प्राण वाचवण्यासाठी आणि या लिकेजवर  तोडगा काढण्यासाठी प्रयत्न केले जात आहे. मिळालेल्या माहितीनुसार, आयएसएसमधील गळतीची समस्या गेल्या पाच वर्षांपासून आहे. 

सगळ्यात पहिली वायु गळती ही डॉकिंग पोर्टवर जाण्यासाठी अंतराळ स्थानकात तयार करण्यात आलेल्या पहिल्या  यावेझदा मॉड्यूलमधून सुरू झाली. या भागाचे नियंत्रण रशियाच्या हातात आहे. मात्र, गळतीचे खरे कारण काय या बाबत  नासा आणि रशियन स्पेस एजन्सी रोस्कोमोस यांच्यात अद्याप सहमती झालेली नाही.  सीएनएनने दिलेल्या वृत्तानुसार, नासाचे अंतराळवीर बॉब कबाना यांनी सांगितले की, अंतराळ संस्थेने या गळतीबद्दल चिंता व्यक्त केली आहे.

'तुला कशाचीही गरज नाही, प्लीज मरून जा'! गुगल एआय चॅटबॉटनं विद्यार्थ्याला धमकावत दिलं धक्कादायक उत्तर

गळती थांबविण्यासाठी काही प्रयत्न केल्यास या समस्येपासून काही काळ दिलासा मिळू शकेल, पण त्यापासून  कायमस्वरूपी तोडगा काढता येणार नाही,  असे कबाना यांनी सांगितले. सध्या आंतरराष्ट्रीय अंतराळ स्थानक  सुरक्षित नसल्याचं  अमेरिकेचे म्हणणं आहे. ही गळती २०१९ मध्ये पहिल्यांदा आढळून आली होती. त्यानंतर एप्रिल २०२४ पासून दररोज १.७ किलो वेगाने हवेची गळती सुरू झाली. साधारणपणे आयएसएसवर सात ते दहा अंतराळवीर असतात. रशियन संशोधकांनी आंतरराष्ट्रीय अंतराळ स्थानकात सूक्ष्म कंपणं जाणवत असल्याचं म्हटलं आहे. हा धोका टाळण्यासाठी नासाने काही पावले उचलली आहेत. याशिवाय आंतरराष्ट्रीय अंतराळ स्थानकात असलेले अंतराळवीर देखील अतिरिक्त खबरदारी घेत आहेत. 

पुणे जिल्ह्यात बिबट्याची दहशत; शिरूरमध्ये अंगणात खेळत असलेल्या चिमुकल्यावर हल्ला करून केले ठार