अजब प्रेमाची गजब कहाणी;जीवनसाथी आणि मुलांना सोडून लिव-इन रिलेशनशिपमध्ये राहू लागले पती-पत्नी

मुलांच्या संगोपनाबाबत आता अनेक प्रश्न उपस्थित केले जात आहेत. डेहराडूनमध्ये हा धक्कादायक प्रकार समोर आला आहे. डेहराडून येथील एका महिला आणि पुरुषाचे प्रेमप्रकरण इतके वाढले की, दोघेही पती-पत्नी आणि मुलांना सोडून आपआपल्या लव्ह पार्टनरसोबत लिव्ह इन रिलेशनशिपमध्ये राहायला गेले.

आता पीडित पत्नी आणि पीडित पतीने महिला आयोगाकडे तक्रार दाखल करून न्याय मागितला आहे. आपल्या पतीला प्रलोभन देण्यात आल्याचे महिलेचे म्हणणे असून पतीचे म्हणणे आहे की, पत्नीची दिशाभूल करण्यात आली आहे.

महिला आणि पुरुषाचा शोध घेऊन त्यांना लवकरात लवकर आयोगात हजर करण्याचे आदेश आयोगाने पोलिसांना दिले आहेत. आयोगाकडे दिलेल्या तक्रारीत पतीने म्हटले आहे की, त्याची पत्नी गेल्या अनेक दिवसांपासून घरी परतली नाही. तिने फोनही बंद केला.

पतीचा शोध घेण्यासाठी एका महिलेने आयोगाकडे तक्रारही दाखल केली आहे. या व्यक्तीला व्हॉट्सअॅपवर फोन केला जात असताना संबंधित महिलेला फोन रिसीव्ह होत आहे. आयोगाने त्या व्यक्तीला आयोगात हजर राहण्यास सांगितल्यावर त्याने बहाणे बाजी करण्यास सुरुवात केली.

पत्नी आणि पती एकत्र पळून गेल्याच्या वृत्ताला पीडित आणि पीडितेने दुजोरा दिला आहे. ही महिला आपल्या १५ वर्षीय मुलीसह तीन मुलांना सोडून पळून गेली आहे.

तर प्रियकराला दोन मुले आहेत. आयोगाच्या अध्यक्षा कुसुम कंडवाल यांनी सांगितले की, महिला आयोगाने पोलिसांना या दोघांचा शोध घेऊन आयोगासमोर हजर करण्यास सांगितले आहे. या प्रकरणी दोन्ही बाजूंचे समुपदेशन केले जाणार आहे. दोन्ही पक्षांच्या समुपदेशनासाठी त्यांनी उपस्थित राहणे आवश्यक आहे.

मुलांच्या संगोपनाचा मुद्दा उपस्थित -

या तक्रारीत मुलांच्या संगोपनाचा प्रश्नही उपस्थित करण्यात आला आहे. याप्रकरणी संबंधित पोलिस ठाण्यात लेखी तक्रारही दाखल करण्यात आली आहे. पळून गेलेले पुरुष आणि महिला यूपीतील एका शहरात लिव्ह इन रिलेशनशिपमध्ये राहत असल्याचा त्यांना संशय आहे.