लग्नात हुंडा न मिळाल्याने पत्नीला दिले HIV संक्रमित इंजेक्शन, पीडितेने सांगितले पतीचे कृत्य

हे प्रकरण सहारनपूरच्या गंगोह पोलीस स्टेशन परिसरातील आहे. चमनपुरा येथील रहिवासी सुशील यांनी दिलेल्या फिर्यादीनुसार, त्यांची मुलगी सोनल हिचा विवाह १५ फेब्रुवारी २०२३ रोजी हरिद्वार जिल्ह्यातील पिरंकालियार पोलिस ठाणे क्षेत्रातील जसवाला गावातील रहिवासी अभिषेक उर्फ सचिन याच्याशी झाला होता. लग्नात वधू पक्षाने हुंड्याच्या रुपात कार व दागिने व लाखो रुपयांची रोकड दिली होती. मात्र इतके देऊनही सासरचे लोक खुश नव्हते. त्यांच्यांकडून अधिक हुंड्याची मागणी केली जात होती. याबाबत दोन्ही बाजुंच्या मंडळींची अनेकवेळा पंचायतही झाली होती.

Pik Vima Yojana : 'भिकारीसुद्धा एक रुपया घेत नाही, आम्ही तर...', कृषिमंत्र्यांकडून शेतकऱ्यांची भिकाऱ्याशी तुलना

पंचायतीत झालेल्या निर्णयानंतर समजावून मुलीला तिच्या सासरच्या घरी परत पाठविण्यात आले. पण नंतर तिचा छळ होऊ लागला. तिला मारण्यासाठी एचआयव्ही बाधित इंजेक्शन देऊन तिला एचायव्ही संक्रमिक केल्याचा आरोप वडिलांनी केला आहे. वडिलांच्या फिर्यादीवरून कोतवाली पोलिसांनी पती अभिषेक, मेहुणा विनायक, वहिनी प्रीती आणि सासू जयंती देवी यांच्याविरोधात बीएनएस कलम ४९८ अ, ३२३, ३०७, ३२८, ८२६, ४०६ आणि हुंडा प्रतिबंधक कायद्याच्या कलम ३ व ४ अन्वये गुन्हा दाखल केला आहे.

पत्नी परपुरुषावर प्रेम करत असेल तर तो व्यभिचार नाही, उच्च न्यायालयाचा पतीला मोठा झटका

हुंड्यासाठी सासरच्या छळाला कंटाळून महिलेची आत्महत्या -

दुसरीकडे हुंड्यासाठी पती व सासरच्या छळाला कंटाळून बलिया जिल्ह्यातील एका गावात एका विवाहितेने आत्महत्या केली. पोलिसांनी दिलेल्या माहितीनुसार, गढवार पोलीस ठाण्याच्या हद्दीतील कुकुऱ्हा गावात जयलाल राजभर याने सुनीता (३०) हिला मारहाण केली. यामुळे वैतागलेल्या महिलेने विष प्राशन करून जीवन संपवले. घटनेची माहिती मिळताच पोलिसांनी घटनास्थळी धाव घेत मृतदेह शवविच्छेदनासाठी पाठवला.

दारूच्या नशेत तर्रर्रर्र असलेल्या तरुणीचा भररस्त्यात राडा, पोलिसांशीही घातला वाद!

पोलिस अधीक्षक ओमवीर सिंह यांनी सांगितले की, महिलेची आई सीमा देवी यांच्या तक्रारीवरून तिचा पती जयलाल राजभर याच्याविरोधात भारतीय दंड संहितेच्या संबंधित कलमान्वये गुन्हा दाखल करण्यात आला असून त्याला अटक करण्यात आली आहे.