Indian Railway : रेल्वे किती दिवसांतून बोगीतील ब्लँकेट धुते? वाचा रेल्वे मंत्र्यांनी दिलेले उत्तर
Railway Minister : काँग्रेस खासदार कुलदीप इंदोरा यांनी विचारलेल्या प्रश्नाला उत्तर देताना अश्विनी वैष्णव यांनी रेल्वेतील ब्लँकेट कितीदिवसांतून धुतले जाते, याची माहिती दिली
केंद्रीय रेल्वेमंत्री अश्विनी वैष्णव यांनी बुधवारी लोकसभेत सांगितले की, भारतीय रेल्वे महिन्यातून किमान एकदा रेल्वे प्रवाशांना देण्यात येणारे ब्लँकेट धुते. बेडरोल किटमध्ये रजाईचे आवरण म्हणून वापरण्यासाठी अतिरिक्त बेडशीट देण्यात आल्याची माहितीही त्यांनी सभागृहातील सदस्यांना दिली.
स्वच्छतेच्या मूलभूत निकषांची पूर्तता करणाऱ्या बेडसाठी प्रवासी पैसे देत असतानाही रेल्वे महिन्यातून एकदाच लोकरीचे ब्लँकेट धुते का, असा प्रश्न काँग्रेसचे खासदार कुलदीप इंदोरा यांनी उपस्थित केलेल्या प्रश्नाला उत्तर देताना वैष्णव यांनी ही माहिती दिली.
रेल्वेमंत्र्यांनी एका प्रश्नाच्या लेखी उत्तरात सांगितले की, सध्याच्या वैशिष्ट्यांनुसार भारतीय रेल्वेमध्ये वापरले जाणारे ब्लँकेट हलके, धुण्यास सोपे आणि प्रवाशांना एकंदरीत आरामदायक प्रवासाच्या अनुभवासाठी चांगले इन्सुलेशन प्रदान करतात.
प्रवाशांच्या सोयीसाठी आणि सुरक्षिततेसाठी करण्यात आलेल्या इतर उपाययोजनाही त्यांनी सांगितल्या, ज्यात चांगल्या गुणवत्तेची खात्री करण्यासाठी सुधारित बीआयएस वैशिष्ट्यांसह नवीन लिनन संच खरेदी करणे, स्वच्छ लिनन संचांचा पुरवठा सुनिश्चित करण्यासाठी यांत्रिक लॉन्ड्री, लिनन धुण्यासाठी मानक मशीन आणि विशिष्ट रसायनांचा वापर करणे आणि लिनन धुण्याच्या क्रियाकलापांवर लक्ष ठेवणे यांचा समावेश आहे.
धुतलेल्या लिनन वस्तूंची गुणवत्ता तपासण्यासाठी व्हिटोमीटरचा वापर केला जातो आणि ताज्या वस्तूंचा लवकर समावेश व्हावा यासाठी लिनन (तागाचे कापड) वस्तूंचे कोडल लाइफ पूर्वीच्या निर्धारित कालावधीपेक्षा कमी करण्यात आले आहे, असे वैष्णव यांच्या उत्तरात म्हटले आहे.
बेडरोल तक्रारींसाठी वॉर रूम -
अश्विनी वैष्णव म्हणाले की, रेल्वेने रेलमादाद पोर्टलवर (RailMadad portal) दाखल तक्रारींवर लक्ष ठेवण्यासाठी विभागीय मुख्यालय आणि विभागीय स्तरावर 'वॉर रूम' स्थापन केले आहेत, ज्यात प्रवाशांना देण्यात येणाऱ्या लिनन आणि बेडरोलवरील तक्रारींचाही समावेश आहे. त्यानुसार अशा सर्व तक्रारींवर तातडीने कारवाई केली जाते.
इको फ्रेंडली पॅकेजिंगचा वापर करण्याच्या संपूर्ण प्रक्रियेबरोबरच स्थानकांवर आणि गाड्यांमध्ये लिनन साठविणे, वाहतूक करणे, लोड करणे आणि अनलोड करणे यासाठी रेल्वे सुधारित लॉजिस्टिक्सचा वापर करीत असल्याचेही त्यांनी सभागृहाला सांगितले.
