Chandrababu Naidu : चंद्राबाबू नायडू यांचा ९ वर्षाचा नातूही आहे करोडपती, ‘या’ शेअरमुळे केली ६ दिवसात बंपर कमाई

हे ही वाचा -  चंद्राबाबू नायडू यांच्या पत्नीच्या संपत्तीत अवघ्या पाच दिवसांत ५७९ कोटींची वाढ, असं काय घडलं?

तेलुगू देसम पक्षाचे प्रमुख चंद्राबाबू नायडू यांनी आज चौथ्यांदा आंध्र प्रदेशच्या मुख्यमंत्रिपदाची शपथ घेतली. जनसेना प्रमुख आणि अभिनेते पवन कल्याण, चंद्राबाबू नायडू यांचे पुत्र नारा लोकेश यांनी उपमुख्यमंत्रिपदाची शपथ घेतली. यावेळी पंतप्रधान नरेंद्र मोदी, केंद्रीय मंत्री अमित शहा, नितीन गडकरी, जे. पी. नड्डा आणि महाराष्ट्राचे मुख्यमंत्री एकनाथ शिंदे उपस्थित होते. 

N Chandrababu Naidu : चंद्राबाबू नायडू चौथ्यांदा आंध्र प्रदेशच्या मुख्यमंत्रिपदी विराजमान, मोदींना स्टेजवरच मारली मिठ्ठी

नुकत्याच झालेल्या लोकसभा निवडणुका आणि विधानसभा निवडणुकीनंतर चंद्राबाबू नायडू यांचे नशीब चांगलेच फळफळले आहे. त्यांच्या कुटुंबाने प्रवर्तित केलेल्या हेरिटेज फूड्स या डेअरी कंपनीच्या शेअरने विक्रमी उच्चांक गाठला आहे. टीडीपी एनडीए सरकारमध्येही महत्वाचा घटक पक्ष आहे.  हेरिटेज फूड्सचा शेअर १२ सत्रात दुप्पट झाला आणि त्यामुळे चंद्राबाबू नायडू आणि त्यांच्या कुटुंबाला मोठा फायदा झाला, ज्याचा कंपनीत ३५.७ टक्के हिस्सा आहे. एक्सचेंजच्या आकडेवारीनुसार, कंपनीत त्यांची पत्नी भुवनेश्वरी यांची २४.३७ टक्के, मुलगा लोकेशची १०.८२ टक्के, सून ब्राह्मणीची ०.४६ टक्के आणि  ९ वर्षीय नातू देवांशची ०.०६ टक्के हिस्सेदारी आहे.

ओडिशाचे नवे मुख्यमंत्री मोहन चरण माझी नेमके आहेत कोण? त्यांची निवड का महत्त्वाची?

शेअरमध्ये तेजी आल्यानंतर देवांशचे ५६,०७५ शेअर्स आता ४.१ कोटी रुपयांवर पोहोचले आहेत, जे ३ जून रोजी २.४ कोटी रुपये होते. बीएसईवर हेरिटेज फूड्सच्या शेअरने ५२ आठवड्यांच्या उच्चांकी ७२७.९ रुपयांवर पोहोचल्याने कुटुंबाला १,२२५ कोटी रुपये मिळाले.  २३ मे रोजी हा शेअर ३५४.५ रुपयांवर बंद झाला.

हेरिटेज फूड्सची स्थापना १९९२ मध्ये झाली आणि ही भारतातील अग्रगण्य मूल्यवर्धित आणि ब्रँडेड डेअरी उत्पादने देणारी कंपनी आहे. त्याच्या उत्पादनांमध्ये दही, तूप, पनीर, फ्लेवर्ड मिल्क आणि इम्युनिटी मिल्क यांचा समावेश आहे. कंपनीचा दावा आहे की भारतातील ११ राज्यांमधील १५ लाखांहून अधिक कुटुंबे ही उत्पादने वापरतात.