Exit Polls: हरियाणात भाजप सत्तेतून बाहेर, जम्मू-काश्मीरमध्ये कोणी मारली बाजी? येथे पाहा एक्झिट पोलचा निकाल

२०२४ च्या लोकसभा निवडणुकीनंतर पहिल्या मोठ्या निवडणुकीत जम्मू-काश्मीरमध्ये १८ सप्टेंबर, २५ सप्टेंबर आणि १ ऑक्टोबर रोजी अशा तीन टप्प्यात मतदान झाले. गेल्या दहा वर्षांतील ही पहिलीच विधानसभा निवडणूक आहे. ऑगस्ट २०१९ मध्ये कलम ३७० रद्द केल्यानंतर अशा प्रकारची ही पहिलीच निवडणूक आहे आणि त्यानंतर त्याच वर्षी ऑक्टोबरमध्ये तत्कालीन राज्य केंद्रशासित प्रदेश बनले. दरम्यान, ऑक्टोबर २०१४ पासून भाजपची सत्ता असलेल्या हरियाणात शनिवारी मतदान झाले.

जम्मू-काश्मीर विधानसभा निवडणूक:

जम्मू-काश्मीरमध्ये त्रिशंकू विधानसभा होण्याची शक्यता वर्तवण्यात येत आहे. तसेच एक्झिट पोलनुसार केंद्रशासित प्रदेशातील हिंदूबहुल जम्मू भागातून भाजप आपल्या सर्व जागा जिंकेल.

हरियाणा विधानसभा निवडणूक:

हरियाणात गेल्या दशकभरात पहिल्यांदाच काँग्रेस भाजपला हुसकावून लावत सरकार स्थापन करणार आहे. आधीच सत्ताविरोधी लहरीशी झुंज देत असलेला भाजप राज्यातील शेतकरी, पैलवान आणि त्यांचे कुटुंबीय आणि तरुणांच्या (अग्निवीर योजना, बेरोजगारी) संतापाला सामोरे जात निवडणुकीच्या रिंगणात उतरला.

मात्र, एक्झिट पोल अनेकदा चुकीचे ठरले आहेत. हे केवळ अंदाजित आकडेवारी आहे. त्यामुळे मतमोजणीनंतरच कोणत्या पक्षाची किती जागा जिंकल्या, हे स्पष्ट होईल.