इस्रायलवरील हल्ल्याचा मास्टरमाईंड हमासचा म्होरक्या सिनवारचा खात्मा, नेतन्याहू यांची घोषणा
Israel Hamas War : इस्रायलच्या हवाई हल्ल्यात हमासचा म्होरक्या याह्या सिनवार ठार झाला आहे. डीएनए चाचणी केल्यानंतर इस्त्रायलने त्यांच्या मृत्यूची घोषणा केली आहे.
नसरल्लानंतर इस्रायलने आपल्या आणखी एका मोठ्या शत्रूचा खात्मा केला आहे. इस्रायलचे पंतप्रधान नेतन्याहू यांनी हमासचे प्रमुख याह्या सिनवार यांच्या मृत्यूला दुजोरा दिला आहे. इस्रायलच्या हल्ल्यात ठार झालेल्या तीन जणांपैकी हमासचा म्होरक्या एक होता, असे नेतन्याहू यांनी म्हटले आहे. जवानांनी त्याचा मृतदेह ताब्यात घेऊन तपासणीसाठी पाठवला आहे. या हल्ल्यानंतर ढिगाऱ्याखाली पडलेल्या मृतदेहाचे फोटो सोशल मीडियावर व्हायरल झाले होते. त्याचा चेहरा, दात, शरीर आणि घड्याळ पाहून ठार झालेली व्यक्ती याह्या सिनवार असल्याचा दावा करण्यात आला आहे.
हनिया आणि हिजबुल्लाहचा म्होरक्या नसरल्लाह यांच्या खात्म्यानंतर इस्रायलने केलेल्या हल्ल्यात सिनवार यांचा मृत्यू हमासचे कंबरडे मोडणारे आहे. सिनवार हा ७ ऑक्टोबरच्या हल्ल्याचा सर्वात मोठा मास्टरमाइंड मानला जात होता. इस्रायली सैन्याच्या वतीने सातत्याने असा दावा केला जात होता की, सिनवार एका छोट्या बोगद्यात लहान मुलांमध्ये आणि बंधक लोकांमध्ये राहतो, यामुळे ते जिवंत आहे.
इस्रायलचे परराष्ट्र मंत्री इस्रायल केर्टस यांनीही आपल्या सोशल मीडिया पोस्टमध्ये घोषणा केली की, ७ ऑक्टोबर २०२३ रोजी इस्रायलमध्ये झालेल्या नरसंहारासाठी जबाबदार याह्या सिनवार याला आमच्या सैन्याने ठार केले आहे. इस्रायली लष्कराच्या प्रवक्त्यानेही सिनवार यांच्या हत्येला दुजोरा देत म्हटले की, वर्षभरापासून सुरू असलेली आमची मोहीम संपली आहे, काल इस्रायली लष्कराच्या दक्षिण कमांडने हमासचे प्रमुख आणि ७ ऑक्टोबरच्या नरसंहाराचा मास्टरमाइंड याह्या सिनवार याला एका कारवाईत ठार केले.
सिनवार यांची हत्या ही इस्रायली लष्कराची लष्करी आणि नैतिक कामगिरी असल्याचे परराष्ट्रमंत्री काट्झ यांनी म्हटले आहे. सिनवार यांच्या हत्येमुळे बंधकांची तात्काळ सुटका होण्याची शक्यता निर्माण होईल. त्याचबरोबर हमास आणि इराणच्या नियंत्रणाशिवाय गाझामध्ये एक नवीन वास्तव निर्माण होईल.
डीएनए चाचणीनंतर मृत्यूला दुजारो -
इस्रायलच्या लष्कराने सांगितले की, नियमित कारवाईदरम्यान हमासचे तीन दहशतवादी एका इमारतीत असल्याची माहिती मिळाली होती. त्यानंतर आमच्या बाजूने हा हल्ला करण्यात आला. जवानांनी ढिगाऱ्याजवळ जाऊन पाहिले असता त्यातील एक मृतदेह याह्या सिनवार यांचा असल्याचे त्यांना दिसले. पुष्टीसाठी त्याचा मृतदेह डीएनए चाचणीसाठी पाठवण्यात आला होता, जिथे मृतदेह सिन्नवरचा असल्याची खात्री पटली.
ऑगस्ट महिन्याच्या सुरुवातीला इस्रायलच्या हल्ल्यात हमासचा तत्कालीन प्रमुख इस्माईल हनिया मारला गेल्यानंतर सिनवार यांना हमासचे प्रमुख बनवण्यात आले होते. सिनवार हे हमासच्या संस्थापक सदस्यांपैकी एक होते.
संबंधित बातम्या