OMG! तोंडाने सीपीआर देऊन वाचवला सापाचा जीव, गुजरातच्या तरुणाचे धाडस पाहून येईल अंगावर काटा! पाहा VIDEO
Snake Alive With CPR: गुजरातमधील वडोदरा शहरात एक धक्कादायक प्रकार समोर आला आहे. निर्जीव होऊन पडलेल्या सापाला बचाव दलातील तरुणाने तोंडाने सीपीआर देऊन त्याचा जीव वाचवला. सोशल मीडियावर तरुणाच्या धाडसाचे कौतुक केले आहे.
गुजरातमधील बडोदा शहरात एक खळबळजनक प्रकार समोर आला आहे. शहरातील वृंदावन परिसरात एका तरुणाने एका सापाला तोंडाने सीपीआर (कार्डियोपल्मोनरी रिससिटेशन) देऊन त्याचा जीव वाचवला. तरुणाने सापाचा जीव वाचवल्याचा व्हिडिओ सध्या सोशल मीडियावर व्हायरल होत आहे. इतकेच नव्हे तर तरुणाच्या साहसाचे कौतुक केले जात आहे.
यश तडवी असे या बचावकर्त्याचे नाव असून त्याला परिसरात एक निर्जीव साप असल्याची माहिती मिळाली होती. घटनास्थळी पोहोचल्यावर वन्यजीव रक्षक असलेले तडवी यांना एक फूट लांबीचा, बिनविषारी चेकर्ड कीलबॅक जातीचा साप बेशुद्ध अवस्थेत पडलेला दिसला.
सापामध्ये कोणतीच हालचाल नव्हती. त्याचा मृत्यू झाला असता. मात्र तडवी यांनी तत्काळ सीपीआर द्यायला सुरुवात केली. आश्चर्य म्हणजे यश तडवी यांच्या प्रयत्नांना यश आले व साप जिवंत झाला. बचाव दलाचे सदस्य यश तडवी यांनी सांगितले की, साप आढळल्याचा मला फोन येताच मी घटनास्थळी पोहोचलो. साप मरून पडल्याचे दिसत होते. मात्र जेव्हा मी हातात धरून पाहिले तेव्हा समजले की, साप अजून जिवंत आहे. त्यानंतर त्याने सापाला सीपीआर द्यायला सुरुवात केली. जेव्हा सापाच्या शरीरात हालाचाल होऊ लागली, तेव्हा त्याला खूप आनंद झाला. त्याने सापाला सुरक्षितपणे वन विभागाकडे सोपवले.
यश तडवी यांनी सापाची मान पकडली, तोंड उघडले आणि सुमारे तीन मिनिटे आपल्या तोंडाने त्याला सीपीआर दिला. सुरुवातीच्या दोन प्रयत्नांमध्ये साप बरा होण्याची कोणतीही चिन्हे दिसत नसल्याने त्याचे प्रयत्न व्यर्थ वाटले. मात्र, तिसऱ्या प्रयत्नात साप हालचाल करू लागला आणि त्याच्या पुनरुज्जीवनाचे संकेत मिळाल्याने त्याच्या प्रयत्नाला यश आले.
सापाला शुद्ध आल्याचा नाट्यमय क्षण दाखवणारा हा उल्लेखनीय बचाव व्हिडिओत रेकॉर्ड करण्यात आला आहे. यशस्वी शस्त्रक्रियेनंतर जिवंत झालेल्या प्राण्याला पुढील काळजी आणि पुनर्वसनासाठी स्थानिक वन विभागाच्या ताब्यात देण्यात आले.
वन विभागाने दिली प्रतिक्रिया -
यश तडवी यांनी सांगितले की, हा साप सामान्यपणे नदी, तलावात आढळतो. जे रात्रीच्या वेळीच जमिनीवर येतात. बेडूक व मासे त्यांचे खाद्य आहे. हे साप विषारी नसतात मात्र त्यांचा स्वभाव असतो. रेंज फॉरेस्ट ऑफिसर करण सिंह राजपूत यांनी या घटनेवर प्रतिक्रिया देताना सांगितले की, अशा प्रकरणात सीपीआर देणे धोकादायक होऊ शकते. मात्र सीपीआर यामुळे दिला असेल की, साप विषारी नव्हता व बचावकर्त्याला याची योग्य माहिती होती.
पाहा हा व्हिडिओ:
उत्तर प्रदेशात माकडाला दिला सीपीआर -
प्राण्यांबद्दल अशा प्रकारची उल्लेखनीय कृत्ये भारतात चर्चेत येण्याची ही पहिलीच वेळ नाही. यापूर्वी मे २०२४ मध्ये उत्तर प्रदेशातील बुलंदशहरमध्ये विकास तोमर नावाच्या हेड कॉन्स्टेबलने झाडावरून पडलेल्या आणि निर्जीव दिसणाऱ्या माकडावर सीपीआर केले होते. कडाक्याच्या उन्हात दगावलेल्या माकडाला मदतीची नितांत गरज होती. माकडांच्या संतप्त टोळक्यापासून वाचवणाऱ्या सहकाऱ्यांच्या मदतीने तोमर यांनी या प्राण्याचे यशस्वी पुनरुज्जीवन केले. हा हृदयस्पर्शी क्षण टिपणारा एक व्हिडिओ सोशल मीडियावर व्हायरल झाला, ज्यात पोलिस अधिकाऱ्याच्या शौर्यपूर्ण प्रयत्नांचे चित्रण करण्यात आले आहे.
आयएएनएस या वृत्तसंस्थेने शेअर केलेली क्लिप पाहा, ज्यात यूपी पोलीस माकडावर सीपीआर करताना दिसत आहेत:
बडोद्यातील साप असो वा बुलंदशहरमधील माकड, संदेश स्पष्ट आहे: करुणेला सीमा नसते आणि प्रत्येक जीव वाचवण्याजोगा असतो.
संबंधित बातम्या