Viral Video: शाळेच्या मुख्याधापकाकडून शिक्षकाला बेदम मारहाण, संतापजनक कृत्य सीसीटीव्ही कॅमेऱ्याद कैद

गुजरातमधील भरूच येथील नवयुग शाळेत ही घटना घडली. मिळालेल्या माहितीनुसार, हितेंद्र सिंह ठाकोर असे मारहाण करणाऱ्या मुख्याध्यापकाचे नाव आहे. तर, राजेंद्र परमार असे शिक्षकाचे नाव आहे. वृत्तानुसार, गणित आणि विज्ञान वर्गात शिकवण्याबाबत शिक्षक परमार यांनी मुख्याध्यापकांकडे तक्रार केली. यादरम्यान, दोघांमध्ये बाचाबाची झाली. त्यानंतर हा मिटण्याऐवजी आणखी पेटला, असे सांगण्यात येत आहे. पण मुख्याध्यापकांने आरोप केला आहे की, शिक्षक वर्गात अनुचित वर्तन आणि शिवीगाळ करत होते. तर, शिक्षकाने असे सांगितले आहे की, संभाषणदरम्यान मुख्याधापकाला राग अनावर झाला आणि त्यांनी मारहाण केली. या घटनेचा व्हिडिओ सोशल मीडियावर व्हायरल झाला आहे.

वृत्तानुसार, शिक्षक परमार यांनी दावा केला की, ठाकोर यांनी विद्यार्थ्यांना पाय मालिश करायला लावली. तर मुख्याध्यापक ठाकोर यांनी आरोप केला की, परमार यांनी विद्यार्थ्यांना त्यांच्या घरी बोलावले. दोघांमधील भांडणाचा व्हिडिओ सोशल मीडियावर व्हायरल झाल्यानंतर अधिकारी या प्रकरणाची चौकशी करत आहेत. हाणामारी का झाली आणि दोघांच्या आरोपांमध्ये काय तथ्य आहे हे तपासानंतरच स्पष्ट होईल.