घरात झोका खेळताना गळफास बसल्यानं १० वर्षीय मुलाचा मृत्यू; आई वडिलांवर कोसळला दु:खाचा डोंगर

नवापुरा पोलीस स्टेशनचे पोलिस निरीक्षक एम. एस. अन्सारी यांनी इंडियन एक्स्प्रेसला सांगितले की, 'मुलाला झोक्यावर मस्ती करण्याची सवय होती, अशी त्याच्या पालकांनी दिली. घटनेच्या दिवशी मुलाने नेकटाई घातली होती, जी झोक्यात अडकल्याने त्याच्या गळ्याला गळफास लागला. त्याच्या वडिलांनी त्याला बेशुद्धावस्थेत पाहिले आणि ताबडतोब खाली उतरवले. त्यानंतर त्याला मांजलपूर येथील रुग्णालयात नेले. मात्र, डॉक्टरांनी मृत घोषित केले.'

अन्सारी म्हणाले की, पोलिसांनी मृतदेह शवविच्छेदनासाठी पाठवला आणि नंतर तो त्याच्या पालकांच्या ताब्यात दिला. या घटनेनंतर कुटुंबीय हादरले आहेत. आई-वडिलांना आपल्या चुकीचा पश्चाताप होत आहे. मुलाला बेशुद्धावस्थेत पाहून वडिलांनी त्याला तातडीने रुग्णालयात दाखल केले, मात्र त्याला वाचवण्यात डॉक्टरांना अपयश आले. थोडा निष्काळजीपणा किती भारी असू शकतो, याचा अंदाज या घटनेवरून येऊ शकतो.

याआधी काही महिन्यांपूर्वी राजस्थानच्या बारन जिल्ह्यात अशीच एक घटना घडली होती. झोका खेळताना गळ्यात दोरी अकडल्याने एका १० वर्षाचा मुलाचा मृत्यू झाला होता.झोका खेळताना गळफास बसल्याने मुलाला उलट्या झाल्या. त्यानंतर तो बेशुद्ध पडला. घरच्यांनी त्याला ताबडतोब जवळच्या रुग्णालयात नेले. मात्र, डॉक्टरांनी त्याला मृत घोषित केले. मृत मुलाच्या नुकत्यात जन्मलेल्या भावासाठी हा झोका बांधण्यात आला होता, अशी माहिती समोर येत आहे, अशी माहिती चाबरा पोलिस स्टेशनचे उपनिरीक्षक चुत्तन लाल यांनी दिली.