अश्लील व्हिडिओ, पैशांची मागणी, लग्नही मोडलं; बॉयफ्रेंडच्या ब्लॅकमेलिंगला कंटाळून प्रेयसीनं स्वत:ला पेटवून घेतलं!

लग्न तुटल्यानंतर नाराज झालेल्या तरुणीने  स्वत:ला पेटवून घेऊन आत्महत्या केली. मुलीला ब्लॅकमेल करणाऱ्या प्रियकराने तिचे अश्लील व्हिडिओ आणि फोटोंद्वारे तिला धमकावले आणि दोन लाख रुपयेही उकळले. दरम्यान, या प्रकरणाची माहिती मिळताच पोलिसांनी मुलीचा मृतदेह ताब्यात घेऊन शवविच्छेदनासाठी पाठवला. तसेच या प्रकरणाचा तपास सुरू केला.

'पंतप्रधान मोदींच्या विमानावर होणार दहशतवादी हल्ला', मुंबई पोलिसांना मिळाली फोनवरून धमकी, चेंबूरमधून एकाला अटक

ही घटना बीवी नगर पोलीस ठाण्याच्या हद्दीतील एका गावातील आहे. सिकंदराबादच्या सर्कल ऑफिसर (सीओ) पौर्णिमा सिंह यांनी सांगितले की, घटनास्थळावरून एक सुसाइड नोट सापडली आहे, ज्यामध्ये तिने शेजारचा तरुण राकेश शर्मावर गंभीर आरोप केले आहेत. चिठ्ठीनुसार, तरुणाचे राकेश सोबत प्रेमप्रकरण सुरू होते. दोघांमध्ये शारीरिक संबंधही निर्माण झाले होते. त्यावेळी आरोपीने तिचे अश्लील फोटो आणि व्हिडिओ बनवले होते. त्यानंतर तो तिला हे फोटो व व्हिडिओ दाखवून तिला ब्लॅकमेल करू लागला. त्याने तरुणीकडून दोन लाखांहून अधिक रक्कम उकळली होती. जेव्हा तिने भेटण्यास नकार दिला तेव्हा त्याने फोटो आणि व्हिडिओ सार्वजनिक करण्याची धमकी दिली.

व्हेलेंटाईन वीकमध्ये एक विवाह असाही..! कर्ज वसुलीस आलेल्या बँक कर्मचाऱ्यावर विवाहितेचा जडला जीव, मंदिरात केलं लग्न

राकेश शर्मा नावाच्या व्यक्तीच्या दबावाला कंटाळून आत्महत्या करत असल्याचे मुलीने सुसाईड नोटमध्ये म्हटले आहे. राकेशने तिच्यावर जबरदस्ती केली आणि तिचे अश्लील फोटो आणि व्हिडिओ बनवून तिला ब्लॅकमेल केले. राकेशच्या आई-वडिलांवरही महिलेने आरोप केले आहेत. सुसाईड नोटनुसार, राकेशने महिलेकडून दोन लाख रुपये उकळले होते आणि भेटण्यास नकार दिल्यास फोटो आणि व्हिडिओ व्हायरल करण्याची धमकी दिली होती.

जमीन गहाण ठेवली, परीक्षेत डमी उमेदवार बसवून पत्नीला सरकारी नोकरी लावली, मात्र महिला म्हणाली बेरोजगार पतीसोबत राहणार नाही

तीन मार्च रोजी होते तरुणीचे लग्न -

दरम्यान, तरुणीच्या कुटुंबाने तिचे लग्न दुसऱ्या ठिकाणी निश्चित केले होते. ३ मार्च रोजी हे लग्न होणार होते. तरुणीच्या प्रियकराने तिच्या लग्नाला विरोध करण्यास सुरुवात केला. आरोपीने प्रेयसीच्या होणाऱ्या पतीला फोन करून त्याला संपूर्ण प्रेमकहाणी सांगितली.  त्यानंतर तिचे लग्न मोडण्यात आले.  यामुळे संपूर्ण कुटुंब अस्वस्थ झाले. याचा संबंधित तरुणीलाही धक्का बसला. तिने घरात ठेवलेले थिनर अंगावर ओतून स्वतःला पेटवून घेतले. स्थानिक रुग्णालयात उपचारानंतर तिला मेरठला नेण्यात आले, मात्र तिचा मृत्यू झाला. महिलेच्या आत्महत्येनंतर कुटुंबीयांनी दिलेल्या तक्रारीवरून राकेश शर्मा, त्याचे आई-वडील आणि इतरांविरोधात गुन्हा दाखल करण्यात आला आहे. राकेशच्या आईला टाकून अटक करण्यात आली असून मुख्य आरोपीचा शोध सुरू आहे.