Viral news : फ्रान्सचे राष्ट्राध्यक्ष इमॅन्युएल मॅक्रॉन यांनी घेतले क्रीडामंत्र्यांचे चुंबन; इंटिमेट फोटो झाले व्हायरल

फ्रान्सचे राष्ट्राध्यक्ष इमॅन्युएल मॅक्रॉन हे क्रीडा मंत्री अमेली ओडेया-कॅस्टेरा यांचे चुंबन घेत असलेले फोटो सोशल मीडियावर व्हायरल झाले आहे. हे फोटो पाहून नागरिकांना मोठा धक्का बसला आहे. मॅक्रॉनच्या या फोटोवर नेटकऱ्यांनी अनेक प्रतिक्रिया देखील दिल्या आहेत. बहुतेक लोकांनी दोघांच्या या कृतीला विचित्र म्हटले आहे. तर अनेकांचा या फोटोवर विश्वास बसलेला नाही, लोक व्हायरल झालेल्या या फोटोंना फेक फोटो देखील म्हणत आहेत. या फोटोवर एका सोशल मीडिया यूजरने म्हटले आहे की, मला हा फोटो अश्लील वाटत आहे, राष्ट्रपती आणि मंत्रीहे त्यांच्या पदासाठी लायकीचे नाहीत अशी झारी टीका त्यांनी केली आहे.

तर दुसऱ्या एका यूझरने कमेंट केली की, "मॅक्रोच्या पत्नीला हे आवडणार नाही. त्यांच्या शेजारी उभे असलेले मंत्री इतरत्र पाहण्याचे नाटक करत आहेत! तथापि, इतरांनी ओडिया यांचा इतर फोटोंचा हवाला देत दोघांचा हा फोटो पाहून राईचा डोंगर केला जात असल्याचं एकानं म्हटलं आहे. तर खेळाडूंचे चुंबन घेणे किंवा या प्रकारच्या घटना या फ्रान्समध्ये सामान्य आहेत, असे एका यूझरनं म्हटलं आहे. एका यूजरने लिहिले की, "फ्रेंच लोक एकमेकांना अभिवादन करण्यासाठी अनेकदा गालावर आणि मानेवर कीस करतात.

Fake Ayushman Card : बनावट आयुष्मान कार्ड प्रकरणी EDची मोठी कारवाई! ‘या’ राज्यात १९ ठिकाणी धाडी, मोठी नावे आली समोर

फोटो कसा व्हायरल झाला

न्यूयॉर्क पोस्टच्या रिपोर्टनुसार, या फोटोने लोकांचं लक्ष वेधून घेतलं, जेव्हा हा फोटो पहिल्यांदा 'मॅडम फिगारो' या फ्रेंच मॅगझिनने पोस्ट केला होता. मासिकाने दोघांमधील या प्रकारचे वर्तन हे विचित्र असल्याचं म्हटलं आहे. क्रीडा मंत्री ओडेया कास्टेरा हे माजी टेनिसपटू असल्याचा दावाही करण्यात आला. त्यांना स्वतःकडे लक्ष वेधून घेणे आवडत असल्याची टीका देखील करण्यात आली आहे.