VIDEO : तेलंगाणात ‘बर्निंग ट्रेन’चा थरार, धावत्या ‘फलकनुमा’ एक्सप्रेसला आग; तीन डबे जळून खाक

एएनआयच्या रिपोर्टनुसार या दुर्घटनेत कोणत्याही प्रकारची जीवितहानी झालेली नाही. आगीचे कारण अजून समोर आलेले नसून सर्व प्रवाशी सुरक्षित आहेत. त्यांना दुसऱ्या रेल्वेने हैदराबादला आणले जाईल.

२ जून रोजी चेन्नईकडे जाणाऱ्या कोरोमंडल एक्सप्रेसला ओडिशामधील बालासोर येथे मोठा अपघात झाला होता. या भयानक दुर्घटनेनंतर एका महिन्यात रेल्वे संबंधित अनेक अपघातांच्या घटना समोर आल्या आहेत. यामुळे रेल्वे प्रवाशांमध्ये भीतीचे वातावरण आहे. आगच्या घटनेपूर्वीही अनेक रेल्वे गाड्यांमध्ये आगीच्या घटना घडल्या आहेत.

ओडिशा राज्यातील ब्रह्मपूरमध्ये सिकंदराबाद-आगरतळा एक्सप्रेसमध्ये आग लागली होती.उत्तर प्रदेशमधील कौशांबी जिल्ह्यातील भरवाड़ी स्टेशनजवळ सियालदह-अजमेर एक्सप्रेसच्या बोगींमधून धूर निघत असल्याचे दिसून आले होते.ओडिशा राज्यातील नौपारा जिल्ह्यात दुर्ग-पुरी एक्सप्रेसमध्येही आग लागली होती. ओडिशामधील बरगढ जिल्ह्यात एक मालगाड़ी रुळावरून घसरली होती. मध्य प्रदेशमधील जबलपूरमध्ये एलपीजी गॅसची वाहतूक करणाऱ्या दोन वॅगन दुर्घटनाग्रस्त झाल्या होत्या.