Fact Check: राष्ट्रगीत सुरू होतं आणि पंतप्रधान मोदी खुर्चीवर बसले? जाणून घ्या व्हायरल व्हिडिओमागील सत्य

हा व्हिडिओ सोशल मीडियावर व्हायरल झाल्यानंतर नेटकऱ्यांच्या प्रतिक्रिया येत आहेत. राष्ट्रगीत पूर्ण होण्यापूर्वीच मोदी खुर्चीवर बसले. हा व्हिडिओ सोशल मीडिया प्लॅटफॉर्म एक्सवर शेअर करताना एका युजरने लिहिले की, “बसण्याची इतकी घाई होती की राष्ट्रगीतही संपले नाही आणि सत्तेच्या उन्मादात खुर्चीला सर्वस्व मानणारा माणूस लगेच बसला!" आतापर्यंत या व्हिडिओला लाखो लोकांनी पाहिलाा आहे. हा व्हिडिओ फेसबूकवरही शेअर केला जात आहे. व्हायरल व्हिडिओ येथे पाहा.

ओडिशातील शपथविधी समारंभात राष्ट्रगीत संपण्यापूर्वीच पंतप्रधान नरेंद्र मोदी खुर्चीवर बसले होते का?असा दावा करणारा एक व्हिडिओ सोशल मीडियावर मोठ्या प्रमाणात शेअर केला जात आहे.

सत्य काय?

या व्हिडिओबाबत अधिक तपासणी केली असता असे आढळून आले की व्हिडिओसह दिशाभूल करणारा दावा केला जात आहे. मोहन चरण माझी यांनी १२ जून २०२४ रोजी ओडिशाचे मुख्यमंत्री म्हणून शपथ घेतली. आजतकच्या यूट्यूब चॅनलवर शपथविधीचा संपूर्ण व्हिडिओ आम्हाला मिळाला आहे. व्हायरल व्हिडिओचा भाग २३व्या मिनिटाला पाहता येतो.

राष्ट्रगीत सुरू असताना पंतप्रधान मोदी सर्व नेत्यांसह मंचावर उभे असल्याचे आपण पाहिले. राष्ट्रगीत संपल्यानंतर ते लोकांसमोर हात जोडून खाली बसले. त्यांच्यासोबत अन्य काही नेतेही आपापल्या खुर्चीवर बसले. पण काही सेकंदांनंतर आणखी काही सूर वाजू लागले, ज्यासाठी अमित शहा आणि इतर काही नेत्यांनी पंतप्रधान मोदींना उभे राहण्यास सांगितले आणि ते लगेच उभे राहिले.

निष्कर्ष- राष्ट्रगीत सुरू असताना नरेंद्र मोदी बसले, असा दावा करणारा व्हिडिओ खोटा आहे. नागरिकांना अशा कोणत्याही अफवांना बळी पडू नये.

डिस्क्लेमर: हे वृत्त मुळात India Today ने प्रकाशित केले. ‘शक्ती कलेक्टिव्ह'चा एक भाग म्हणून एचटी डिजिटलने ते पुन्हा प्रकाशित केले आहे.