Explainer : तुम्ही खरेदी केलेला हिरा खरा आहे की खोटा, हे कसे ओळखायचे? वाचा
How to Identify Real Diamond: हिऱ्याचे दागदागिने खरेदी करण्याची तयारी करत असाल तर तुम्हाला अगदी सावध राहूनच खरेदी केली पाहिजे. तुम्हाला कोणी खोटा हिरा देऊन लुबाडत तर नाही ना? जाणून घ्या इथून, की खरा आणि खोटा हिरा कसा ओळखायचा.
Do you Know: मुंबईतील टोरेस घोटाळ्याने संपूर्ण जगाचे लक्ष वेधून घेतले आहे. याप्रकरणात एकापाठोपाठ एक धक्कादायक खुलासे होत आहे. टोरेसने डायमंडच्या नावाखाली मोइसॅनाइटच्या खड्यांची विक्री करून आपल्या गुंतवणूकदारांची फसवणूक केली. मोइसॅनाइटचा एक खडा भारतीय बाजारात ३०० रुपयांना मिळत असून तो ४२- ५० हजार रुपयांना विकण्यात आला. हिऱ्याचे दागदागिने खरेदी करण्याची तयारी करत असाल तर तुम्हाला अगदी सावध राहूनच खरेदी केली पाहिजे. तुम्हाला कोणी खोटा हिरा देऊन लुबाडत तर नाही ना? खरा आणि खोटा हिरा कसा ओळखायचा? याबाबत जाणून घेऊयात.
डायमंड ज्वेलरी खरेदी करताना ४सी म्हणजे कट, क्लॅरिटी, कॅरेट, कलर याच्यावर लक्ष द्यायला पाहिजे. एवढेच नव्हेतर ऑथेंटिसिटी सर्टिफिकेट नक्कीच तपासून पाहिले पाहिजेत. या सर्टिफिकेटवर स्टॅम्प आणि स्वाक्षरी असणे आवश्यक आहे. याशिवाय, आयआयजी आणि जाआयए सर्टिफिकेट देखील महत्त्वाचे आहेत. कोणतीही दागिने खरेदी करताना बिल आवश्यक घ्या. तुम्ही खरेदी केलेल्या हिऱ्यांची जीआए किंवा सरकारी लॅबमध्ये तपासणी करणे शक्य आहे. दागिने ऑनलाईन खरेदी करताना सर्टिफिकेट आणि किंमती तपासून पाहावेत.
घरबसल्या खरा हिरा कसे ओळखायचा?
- तुम्ही खरेदी केलेला हिरा खरा आहे की नाही, याची तपासणी करण्यासाठी तुम्हाला तोंडातून वाफ सोडावी लागेल. हिऱ्यावर वाफ साचली तर, तो बनावट हिरा आहे. जर वाप आर्द्रतेमध्ये बदलली तर आपण खरेदी केलेला हिरा खरा आहे, असे समजा.
- हिऱ्यामध्ये इंद्रधनुष्यासारखे वेगवेगळे रंग दिसले तर हिरा खरा आहे. परंतु, जर रंग दिसत नसतील आणि केवळ पांढरट दिसत असेल तर समजून जा की आपण हातात बनावट दगड घेतला आहे.
- हिरा पाण्यात टाका. जर हिरा पाण्यात बुडाला तर, तो बनावट आहे.
- हिरा हा प्रकाशाचा एक चांगला परावर्तक आहे, म्हणजे तो प्रकाश परावर्तित करतो. आता आपण एक वृत्तपत्र घ्या आणि हिऱ्यामधून ते वाचण्याचा प्रयत्न करा, जर अक्षर नीट वाचता आले तर तुमचा हिरा बनावट आहे आणि पलीकडे काहीच दिसत नसल्यास तुमचा हिरा १०० टक्के खरा आहे.
महत्त्वाचे म्हणजे: हिरा खरेदी करण्यापूर्वी प्रथम तज्ज्ञांचा सल्ला घ्या.
