PMSY : प्रधानमंत्री सूर्योदय योजना नेमकी आहे काय? नागरिकांना कसा होणार फायदा? जाणून घ्या!

ऊर्जा मंत्रालयाच्या वेबसाइटनुसार, डिसेंबर २०२३ पर्यंत भारतात सौर ऊर्जा सुमारे ७३. ३१ गिगावॅटपर्यंत पोहोचली आहे. दरम्यान, डिसेंबर २०२३ रूफटॉप सोलर क्षमता सुमारे ११.०८ गिगावॅट आहे. केंद्राकडे सध्या राष्ट्रीय रूफटॉप योजना सौर रूफटॉप प्रकल्पाच्या भांडवली खर्चाच्या एकूण ४० टक्के आर्थिक सहाय्य देते.

प्रधानमंत्री सूर्योदय 'योजनेचे फायदे-

• सौर ऊर्जेपासून वीज उपलब्ध करून देण्यासाठी एक कोटी गरीब ते मध्यमवर्गीय कुटुंबांना छतावरील सोलर पॅनेलने सुसज्ज करण्याचे या योजनेचे उद्दिष्ट आहे.
• या योजनेमुळे गरीब आणि मध्यमवर्गाचे वीज बिल तर कमी होईलच, शिवाय भारत ऊर्जा क्षेत्रातही आत्मनिर्भर होईल, असेही मोदी म्हणाले.
• बिझनेस टुडेच्या वृत्तानुसार, पंतप्रधान मोदी यांनी अधिकाऱ्यांना निवासी विभागातील ग्राहकांना मोठ्या संख्येने रूफटॉप सोलरचा अवलंब करण्यासाठी प्रोत्साहित करण्यासाठी एक व्यापक राष्ट्रीय मोहीम सुरू करण्याचे आवाहन केले आहे.
• रूफटॉप सोलर पॅनेल म्हणजे इमारतीच्या छतावर बसवलेले फोटोव्होल्टिक पॅनेल जे मुख्य वीज पुरवठा युनिटला जोडलेले असतात. त्यामुळे ग्रीडकनेक्टेड विजेचा वापर कमी होतो आणि ग्राहकांच्या वीज खर्चात बचत होते.
•  सोलर रूफटॉप सिस्टीममध्ये केवळ आगाऊ भांडवली गुंतवणूक आणि देखभालीसाठी कमीत कमी खर्च येतो. 

earthquake in delhi : राजधानी दिल्ली भूकंपाच्या धक्क्याने हादरली; ७.२ रिश्टरस्केलची तीव्रता

केंद्र सरकारने २०१४ मध्ये रूफटॉप सोलर प्रोग्राम सुरू केला, ज्याचे उद्दीष्ट २०२२ पर्यंत ४० हजार मेगावॉट किंवा ४० गिगावॅटची क्षमता साध्य करणे आहे. वॅट हे विजेचे एकक आहे आणि कालांतराने वापरल्या जाणाऱ्या ऊर्जेचे प्रमाण म्हणून मोजले जाते.