salary increment : यंदा नोकरदारांची निराशा होणार! पगारवाढीत घट होणार, सर्वेक्षणातून माहिती
salary increment: देशातील सुमारे ४५ उद्योगांच्या कर्मचाऱ्यांना यंदा भरघोस पगार वाढ मिळणार आहे. सर्वेक्षणानुसार वित्तीय संस्था, इंजिनीअरिंग ऑटोमोटिव्ह आणि लाइफ सायन्सेसमध्ये जास्त पगारवाढ होण्याची शक्यता आहे.
salary increment: गेल्या वर्षीच्या तुलनेत यंदा देशातील कर्मचाऱ्यांना किंचित कमी वेतनवाढ मिळू शकते. जागतिक व्यावसायिक सेवा कंपनी Aon PLC ने केलेल्या सर्वेक्षणात ही माहिती पुढे आली आहे. यंदा कर्मचाऱ्यांच्या पगारात ९.५ टक्के वाढ अपेक्षित आहे. दरम्यान, २०२३ मध्ये देशातील कर्मचाऱ्यांच्या पगारात ९.७ टक्के वाढ झाली होती. यंदा यात थोडी घट झाली आहे.
शेतकरी आंदोलनादरम्यान केंद्राची मोठी घोषणा! उसाच्या एमएसपीमध्ये तब्बल ८ टक्क्यांनी वाढ; जाणून घ्या नवीन किंमत
Aon PLC च्या वार्षिक सर्वेक्षणात ४५ उद्योगांमधील १ हजार ४१४ कंपन्यांच्या माहितीचे विश्लेषण करण्यात आले. यानुसार, वित्तीय संस्था, अभियांत्रिकी, ऑटोमोटिव्ह आणि लाइफ सायन्सेस क्षेत्रातील कंपन्या या सर्वाधिक पगारवाढ देऊ शकतात, तर रिटेल आणि आयटी सेवा सर्वात कमी पगारवाढ देऊ शकतात.
Maharashtra weather update : राज्यात कुठे उष्णतेत वाढ तर कुठे पावसाचा अंदाज; असे राहणार पुढील काही दिवस हवामान
कोणत्या क्षेत्रात किती पगारवाढ अपेक्षित ?
उत्पादन कंपन्या, टेक कंपन्याया ९.५ टक्के पगार वाढ देऊ शकतात. तर सेवा क्षेत्रातील कंपन्या या ८.२ टक्के पगार वाढ देणे अपेक्षित आहे. स्टार्टअप्स देखील लेगसी आयटी सेवा कंपन्यांपेक्षा चांगले पैसे देऊ शकतात. Aon चा अंदाज आहे की ते २०२४ मध्ये सरासरी ८.५ टक्के वाढ देतील, पूर्वीच्या 9 टक्याच्या तुलनेत. बहुराष्ट्रीय कंपन्या ९.८ टक्के पगार वाढ देऊ शकतात. तथापि, वित्तीय संस्थांमध्ये सर्वाधिक वाढ ९.९ टक्के पगार वाढ दिली जाऊ शकते.
सर्वेक्षणानुसार, २०२२ मध्ये सर्वाधिक उच्च पगारवाढीनंतर, भारतातील पगारवाढ एक अंकी म्हणजेच १० टक्क्यांहून कमी झाली आहे. त्याच वेळी, २०२२ मधील २१.४ टक्क्यांवरून २०२३ मध्ये १८.७ टक्क्यांपर्यंत कमी झाले. रुपंक चौधरी, मुख्य वाणिज्य अधिकारी, एओन, भारत, म्हणाले की, भारताच्या संघटित क्षेत्रातील वेतनातील अंदाजित वाढ विकसित होत असलेल्या आर्थिक परिस्थितीचे संकेत देते.
