PM Narendra Modi: एक्सवरही पंतप्रधान मोदींची हवा! थेट एलॉन मस्कने पोस्ट लिहून केलं अभिनंदन; म्हणाला...

पंतप्रधान नरेंद्र मोदी हे आधीपासूनच जगभरातील सोशल मीडिया प्लॅटफॉर्मवर सर्वाधिक फॉलो केले गेलेले नेते आहेत. या यादीत इतर देशांच्या नेत्यांमध्ये अमेरिकेचे राष्ट्राध्यक्ष जो बायडन यांचे ३.८१ कोटी फॉलोअर्स आहेत. तर, तुर्कीचे राष्ट्राध्यक्ष रेसेप तय्यिप एर्दोगान यांचे २.१५ कोटी फॉलोअर्स आहेत. त्याच वेळी, भारतातील आम आदमी पार्टीचे सर्वेसर्वा अरविंद केजरीवाल आणि माजी काँग्रेस अध्यक्ष राहुल गांधी यांसारख्या विरोधी नेत्यांचे अनुक्रमे २.७५ कोटी आणि २.६४ कोटी फॉलोअर्स आहेत. त्यांच्या तुलनेत नरेंद्र मोदी यांच्या फॉलोअर्सची संख्या कित्येक पटीने अधिक आहे.

लोकसभेत भाजपचे संख्याबळ कमी होणार..! दोन खासदार २१ जुलैला तृणमूलमध्ये प्रवेश करणार? ज्येष्ठ नेत्याच्या दाव्याने खळबळ

एलॉन मस्कने दिल्या शुभेच्छा

भारताचे पंतप्रधान नरेंद्र मोदी हे युट्युब आणि इन्स्टाग्रामवर देखील सक्रिय आहेत. युट्युबवर त्यांचे २.५ कोटी सबस्क्रायबर आहेत. तर, इन्स्टाग्रामवर त्यांचे ९.१ कोटी फॉलोअर्स आहेत. २००९मध्ये ट्विटरवर आल्यापासून पंतप्रधान नरेंद्र मोदी सतत या माध्यमातून जनतेशी जोडले गेले आहेत. एक्स असे नामकरण होण्यापूर्वी या सोशल मीडिया प्लॅटफॉर्मचे नाव ‘ट्विटर’ असे होते. या बद्दल बोलताना ‘एक्स’ अधिकाऱ्यांनी म्हटले की, पंतप्रधान मोदी यांनी कधीच कोणाला अडवले किंवा ब्लॉक केले नाही. एक अधिकारी म्हणाला की, 'नरेंद्र मोदी एक्सवर खूप सक्रिय आहेत, अनेक सामान्य नागरिकांना ते फॉलो करतात, त्यांच्याशी संवाद साधतात, त्यांच्या मेसेजला प्रतिसाद देतात. त्यांनी कधीही कोणालाही ब्लॉक केले नाही.’

कोहली, लेब्रॉन जेम्सपेक्षा पंतप्रधानांचे जास्त फॉलोअर्स!

टेलर स्विफ्ट (९.५३ कोटी), लेडी गागा (८.३१ कोटी) आणि किम कार्दशियन (७.५२ कोटी) या ग्लोबल आणि लोकप्रिय सेलिब्रिटींपेक्षा पंतप्रधान मोदींच्या फॉलोअर्सची संख्या जास्त आहे. पंतप्रधान मोदींचे सोशल मीडिया फॉलोअर्स जगातील काही लोकप्रिय खेळाडू आणि सेलिब्रिटींपेक्षाही जास्त आहेत. भारतीय क्रिकेटपटू विराट कोहली (६.४१ कोटी) आणि ब्राझीलचा फुटबॉलपटू नेमार ज्युनियर (६.३६ कोटी) यांच्यापेक्षा नरेंद्र मोदी यांचे जास्त फॉलोअर्स आहेत.