ED Raids : केजरीवाल यांच्या चौकशीआधीच ईडीचा आणखी एका मंत्र्याच्या घरी छापा, दिल्ली सरकारचं काय होणार?
ED Raid on AAP minister Raaj Kumar Anand : दिल्लीचे मुख्यमंत्री अरविंद केजरीवाल हे ईडी समोर हजर राहण्यापूर्वी आज ईडीच्या पथकाने आणखी एका आपच्या नेत्यावर मोठी कारवाई केली आहे. दिल्ली सरकारचे मंत्री राजकुमार आनंद यांच्याशी संबंधित ९ ठिकानांवर छापेमारी केली जात आहे.
ED Raids in Delhi : दिल्लीचे मुख्यमंत्री अरविंद केजरीवाल हे अंमलबजावणी संचालनालयासमोर (ईडी) हजर होण्यापूर्वीच त्यांचे मंत्रिमंडळातील मंत्री राज कुमार आनंद यांच्या घरावर आज सकाळी ईडीने छापे टाकले. आज सकाळी ईडीचे पथक राजकुमार आनंद यांच्या घरी पोहचले. तसेच त्यांच्याशी संबंधित ९ ठिकाणी सकाळपासून धाडी टाकण्यात येत आहे. ही कारवाई कोणत्या कारणाने केली हे अद्याप स्पष्ट झालेले नाही.
Maharashtra weather update: राज्यात 'या' जिल्ह्यात पाऊस बरसणार; गारठा वाढल्याने पारा झाला कमी
राज कुमार आनंद हे अरविन्द केजरिवाल यांच्या सरकारमध्ये समाजकल्याण मंत्री आहेत. त्यांच्याकडे एससी आणि एसटी, गुरुद्वारा निवडणुका, सहकारी संस्थांची जबाबदारी आहे. ईडीचे पथक सिव्हिल लाइन्स भागातील राज कुमार आनंद यांच्या निवासस्थानासह अनेक ठिकाणी पोहोचले. निमलष्करी दलाचे अधिकारी निवासस्थानाबाहेर आणि इतर ठिकाणी तैनात होते.
दरम्यान, दिल्लीतील कथित मद्य घोटाळा प्रकरणी माजी मंत्री मनीष सिसोदिया व खासदार संजय सिंह यांना अटक केल्यानंतर सक्तवसुली संचालनालयानं (ED) आता दिल्लीचे मुख्यमंत्री अरविंद केजरीवाल यांना समन्स बजावलं आहे. त्यांना अटक होण्याची शक्यता व्यक्त होत आहे. या पार्श्वभूमीवर आम आदमी पक्षानं दिल्लीतील सरकार चालवण्यासाठी पुढची रणनीती आखल्याचं समजतं.
संबंधित बातम्या