Delhi NCR Earthquake: दिल्लीसह संपूर्ण उत्तर भारत भूकंपाच्या धक्क्यांनी हादरला, अफगाणिस्तानमध्ये केंद्रबिंदू

गुरुवारी दिल्ली-एनसीआर, पंजाबसह चंदीगड आणि जम्मू काश्मीरमध्ये भूकंपाचे धक्के जाणवले. भूकंपाचे धक्के खूप वेळापर्यंत जाणवत होते. भूकंपाचे धक्का जाणवताच लोक कार्यालये व आपल्या घरातून बाहेर रस्त्यावर आले. या भूकंपाने कोणत्याही जिवीत किंवा वित्त हानीचे वृत्त नाही. भूकंपाचा केंद्रबिंदू अफगानिस्तान मधील फैजाबाद येथे होते. याची रिश्टर स्केलवर तीव्रता ६.२  नोंदवली गेली.

पाकिस्तानमध्ये जाणवले धक्के -

जम्मू-काश्मीरमधील पुंछ जिल्ह्यातील पीर पंजाल क्षेत्रातही भूकंपाचे धक्के जाणवले. भूकंपाचे धक्के पाकिस्तानमध्येही जाणवले. येथेही लोक घराबाहेर पळताना दिसून आले. 

दिल्ली-एनसीआरमध्ये भूकंपाचा याआधीच इशारा देण्यात आला आहे. विशेषज्ञांचे म्हणणे आहे की, दिल्ली-एनसीआरमध्ये कधीही मोठा भूकंप होऊ शकतो. मात्र भूकंप कधी येणार याबाबत निश्चित अंदाज वर्तवला नाही. दिल्ली-एनसीआरच्या खाली १०० हून अधिक लांब व खोल फॉल्ट्स आहेत. यातील काही दिल्ली-हरिद्वार रिज, दिल्ली-सरगोधा रिज आणि ग्रेट बाउंड्री फॉल्टवर आहेत. त्याचबरोबर अनेक सक्रिय फॉल्ट्सही त्यांना जोडल्या आहेत.