Viral News: आता कार चालकालाही हेल्मेट सक्तीचे? वाहतूक पोलिसांनी तरुणाला ठोठावला १००० रुपयांचा दंड

हेल्मेट न घालता ह्युंदाई ग्रँड आय १० निओस हॅचबॅक गाडी चालवल्याबद्दल तुषार सक्सेना ला ९ नोव्हेंबर रोजी सकाळी दिल्ली-एनसीआरमधील नोएडा येथे दंड ठोठावण्यात आला. ट्रॅफिक चालानला आव्हान देण्याबरोबरच सक्सेना यांनी नोएडा पोलिसांच्या अहवालावरही आक्षेप घेतला की, ते रेकॉर्ड केलेल्या तारखेला आणि वेळेवर या भागात वाहन चालवत होते. त्यांच्या म्हणण्यानुसार, त्यांनी दिल्ली- एनसीआर भागात कधीही कार चालवली नाही. सक्सेना उत्तर प्रदेशातील रामपूर जिल्ह्यात राहतात, जे नोएडापासून सुमारे १९० किमी अंतरावर आहे. त्याच्या आय १० हॅचबॅकवर नोंदणी क्रमांकही आहे, जो या भागाचा आहे.

Video : रशियातील सर्वात उंच इमारतीवर युक्रेनचा थरकाप उडवणारा हल्ला; अमेरिकेतील ९/११ च्या आठवणींनी जग शहारले!

सक्सेना यांनी विनाहेल्मेट कार चालवण्याच्या आरोपालाही विरोध केला आहे. वाहतुकीचे विविध उल्लंघन आणि त्याअनुषंगाने दंड व शिक्षेची तरतूद असलेल्या मोटार वाहन कायद्यानुसार सुरक्षेचा उपाय म्हणून दुचाकीस्वारांना हेल्मेट घालणे बंधनकारक आहे. त्याचे पालन न केल्यास एक हजार रुपयांचा दंड ठोठावण्यात येणार आहे. मात्र, वाहतूक नियमांमध्ये कारचालकांना वाहन चालवताना हेल्मेट घालणे बंधनकारक नाही.

सक्सेना यांनी सुरुवातीला गेल्या वर्षी मिळालेल्या चालानकडे दुर्लक्ष केले होते. मात्र, या चालाननंतर नोएडा पोलिसांनी दंडाची रक्कम भरण्यास किंवा वाहतुकीच्या उल्लंघनातून मुक्त होण्यासाठी न्यायालयात हजर राहण्यास सांगितले. यानंतर त्याला उपाययोजना करणे भाग पडले. ट्रॅफिक चालान सदोष असल्याच्या सक्सेना यांच्या आरोपाला नोएडा पोलिसांनी उत्तर दिलेले नाही. वाहतुकीचे असे काही नियम अस्तित्वात असल्यास त्यांनी नोएडा पोलिसांना लेखी स्वरूपात देण्यास सांगितले आहे.

कार चालवताना हेल्मेट न घातल्याने वाहनमालकाला दंड ठोठावण्याची ही पहिलीच वेळ नाही. यापूर्वी उत्तर प्रदेशातील झाशी येथील एका व्यक्तीला ऑडी लक्झरी कार चालवताना हेल्मेट न घातल्याबद्दल एक हजार रुपयांचा दंड ठोठावण्यात आला होता. त्याचप्रमाणे २०१७ मध्ये मारुती ओमनी मिनीव्हॅन चालवताना हेल्मेट न घातल्याने दंड ठोठावल्यानंतर राजस्थानमधील भरतपूरमध्ये एका व्यक्तीने अनोखे आंदोलन सुरू केले होते.