शपथविधीआधी पत्नी मेलानियाला किस करायला गेले डोनाल्ड ट्रम्प मात्र टोपीने केला पचका; व्हायरल होत आहे VIDEO
मराठी बातम्या  /  देश-विदेश  /  शपथविधीआधी पत्नी मेलानियाला किस करायला गेले डोनाल्ड ट्रम्प मात्र टोपीने केला पचका; व्हायरल होत आहे VIDEO

शपथविधीआधी पत्नी मेलानियाला किस करायला गेले डोनाल्ड ट्रम्प मात्र टोपीने केला पचका; व्हायरल होत आहे VIDEO

Jan 21, 2025 09:06 PM IST

Donald Trump Video : राष्ट्राध्यक्षपदाची शपथ घेण्याआधी ट्रम्प पत्नी मेलानिया यांच्याकडे प्रेम दाखवण्यासाठी जातात. दोघेही चुंबनासाठी एकमेकांकडे झुकतात पण तसे होत नाही. मेलानिया यांची टोपी इतकी मोठी आहे की ती मध्येच अडथळा निर्माण करते.

डोनाल्ड ट्रम्प यांनी मेलानिया यांचा फ्लाईंग किस
डोनाल्ड ट्रम्प यांनी मेलानिया यांचा फ्लाईंग किस

अमेरिकेचे राष्ट्राध्यक्ष डोनाल्ड ट्रम्प आणि त्यांची पत्नी मेलानिया यांचा एक व्हिडिओ सोशल मीडियावर सध्या खूप व्हायरल होत आहे, ज्यात दोघेही 'एअर-किस' देताना दिसत आहेत. त्यांनी दुसऱ्यांदा राष्ट्राध्यक्षपदाची शपथ घेण्याच्या काही क्षण आधी ही घटना घडली. खरं तर जे. डी. व्हेन्स यांच्या शेजारी उभे राहण्यापूर्वी ट्रम्प पत्नी मेलानिया यांच्याकडे प्रेम दाखवण्यासाठी जातात. दोघेही चुंबनासाठी एकमेकांकडे झुकतात पण तसे होत नाही. मेलानिया यांची टोपी इतकी मोठी आहे की ती मध्येच अडथळा निर्माण करते.  त्यांचा किस चुकतो व 'फ्लाईंग किस'वर समाधान मानावे लागते. 

ही व्हिडिओ क्लिप इंटरनेटवर वेगाने व्हायरल होत आहे. हे पाहिल्यानंतर लोक वेगवेगळ्या कमेंट्स करत आहेत. एका युजरने एक्सवर निशाणा साधत म्हटले की, 'मला आता कळले आहे की मेलानियाने रुंद टोपी का घातली आहे. यासह तिने ट्रम्प यांचा चुंबन घेण्याचा प्रयत्न हाणून पाडला. 

आणखी एका व्यक्तीने लिहिले की, ट्रम्प मेलानिया यांना किस करणार होते पण त्यांच्या टोपीची कडा मध्येच आली. हे खूप विचित्र होतं. "ट्रम्प यांनी मेलानिया यांना यापुढे ती टोपी घालू नका असं सांगितलं असतं," तिसरा चिडचिड करत म्हणाला. तो ट्रम्प मेलानियांना किस करू शकत नाही. अशा आणखी काही मजेशीर कमेंट्स आहेत.

४७ वे राष्ट्राध्यक्षपदी ट्रम्प यांनी घेतली शपथ -

डोनाल्ड ट्रम्प यांनी अमेरिकेचे ४७ वे राष्ट्राध्यक्ष म्हणून सोमवारी शपथ घेतली. अमेरिकेचा सुवर्णकाळ आता सुरू झाला आहे. पदभार स्वीकारल्यानंतर ट्रम्प यांनी आपल्या दमदार भाषणात २० जानेवारी हा दिवस 'मुक्ती दिन' असल्याचे म्हटले.  अमेरिकेसाठी आता चांगला काळ सुरू होईल आणि बदल लवकरच येतील, असे ते म्हणाले. 

जगातील सर्वात महान, सर्वात शक्तिशाली, सर्वात आदरणीय राष्ट्र म्हणून अमेरिका आपले हक्काचे स्थान परत मिळवेल आणि देशाला संपूर्ण जगाचे कौतुक मिळवून देईल, असे ते म्हणाले. रिपब्लिकन पक्षाचे नेते ७८ वर्षीय ट्रम्प मजबूत नेतृत्व आणि शक्तिशाली राष्ट्राध्यक्षाची दृष्टी घेऊन व्हाईट हाऊसमध्ये परतले. इमिग्रेशन, टॅरिफ आणि ऊर्जेसह अनेक क्षेत्रात अमेरिकेची धोरणे आक्रमकपणे बदलण्याचे आश्वासन त्यांनी दिले आहे.

Whats_app_banner

संबंधित बातम्या

विभाग
देश विदेशात बातम्या, राजकारण समाजकारण क्षेत्रात घडणाऱ्या प्रत्येक घडामोडीची ब्रेकिंग न्यूज मिळवा हिंदुस्तान टाइम्स मराठीवर