चीनमधील डॉक्टरांची कमाल; डुक्कराच्या यकृताचे मानवामध्ये यशस्वी प्रत्यारोपण

चीनमधील शियान येथील झिजिंग हॉस्पिटलमधील शस्त्रक्रियेचे नेतृत्व करणारे डॉक्टर लिन वांग यांनी सांगितले की, डुक्कराचे यकृत मानवी शरीरात चांगले कार्य करू शकते की नाही आणि भविष्यात ते मूळ मानवी यकृताची जागा घेऊ शकते की नाही याचा आम्ही प्रथमच शोध घेतला आहे. या ऑपरेशनच्या माध्यमातून आम्ही मिळवलेले यश आमच्यासाठी स्वप्नासारखे आहे.

चीनमध्ये २०२२ पासून डुकराचे अवयव मानवांमध्ये प्रत्यारोपित करण्याचे काम सुरू आहे. यकृत प्रत्यारोपणाची ही घटना एका मोठ्या मालिकेचा भाग आहे. अमेरिकेतही अशीच प्रक्रिया सुरू आहे. अमेरिका आणि चीनमधील काही रुग्णांवर डुकराचे हृदय, मूत्रपिंड आणि थायमस ग्रंथी प्रत्यारोपण करण्यात आले होते. मात्र, या प्रक्रियेनंतर काही वेळातच अनेकांचा मृत्यू झाला. त्यांच्या मृत्यूचे नेमके कारण अद्याप समोर आलेले नाही. कारण हे प्रत्यारोपण अशा लोकांमध्ये करण्यात आले होते जे गंभीर आजाराने ग्रस्त होते. प्रत्यारोपणानंतर अनेक जण बाहेर आले जे पूर्णपणे बरे होऊन आपापल्या घरी गेले.