जगभरात डिंगा डिंगा व्हायरसची दहशत, संसर्ग होताच नाचू लागतात रुग्ण; स्त्रिया आणि लहान मुलांना धोका!

फर्स्टपोस्ट इंग्लिशच्या रिपोर्टनुसार, युगांडाच्या बुंदीबुग्यो जिल्ह्यात पहिल्यांदाच अशाप्रकारचा विचित्र आजार आढळून आला. या आजाराने बाधित झालेले रुग्ण नृत्य करत असल्यासारखा वाटतो. याशिवाय, त्यांना खूप ताप येतो आणि अशक्तपणा जाणवतो. महत्त्वाचे म्हणजे, या आजारामुळे काही लोकांना अर्धांगवायू देखील होतो. या आजारामुळे अद्याप कोणाचाही मृत्यू झाला नसला तरी स्थानिक मीडिया रिपोर्ट्सनुसार हा आजार आफ्रिकन देशात वेगाने पसरत आहे, तेथील आरोग्य अधिकारी या आजारामागील कारण शोधण्याचा प्रयत्न करत आहेत.

Viral News : एका अंड्याची किंमत २१००० रुपये; खरेदी करण्यासाठी उडाली झुंबड, असं आहे काय त्यात?

रुग्णाने शेअर केला अनुभव

डिंगा- डिंगा आजाराच्या विळख्यात सापडलेल्या एका रुग्णाने या आजाराशी संबंधित त्याचा वैयक्तिक अनुभव शेअर केला आहे. त्याने सांगितले की, सुरुवातीला त्याला अर्धांगवायू झाला आणि त्यानंतर त्याचे शरिर थरथरायला लागले. स्थानिक वृत्तपत्राशी बोलताना संबंधित तरुणाने म्हटले की, 'त्याला खूप अशक्तपणा जाणवत असून चालताना त्रास होत आहे. मला उपचारासाठी बुंदीबुग्यो रुग्णालयात आणण्यात आले आणि देवाचे आभार मानतो की मी आता ठीक आहे.'

आतापर्यंत ३०० प्रकरणाची नोंद

युगांडातील बुंदीबुग्योमध्ये डिंगा- डिंगाचा पहिला रुग्ण आढळून आला. त्यानंतर रुग्णांच्या संख्येत झपाट्याने वाढ झाली. मिळालेल्या माहितीनुसार, आतापर्यंत ३०० जण बाधित झाले आहेत. २०२३ च्या सुरुवातीला सर्वात प्रथम या आजाराशी संबंधित रुग्ण आढळून आला. या आजाराचे कारण शोधण्यासाठी आरोग्य प्रयोगशाळा कार्यरत आहेत. पुढील विश्लेषणासाठी नमुने युगांडाच्या आरोग्य मंत्रालयाकडे पाठवण्यात आले आहेत.

याआधी २०१९ साली चीनमध्ये जन्मलेल्या कोरोना व्हायरसने संपूर्ण जगाच्या तोंडचे पाणी पळवले होते. जगभरातील कोट्यावधी लोकांना कोरोनाची लागण झाली होती. तर, लाखो लोकांना आपला जीव गमवावा लागला होता. एवढेच नव्हेतर, महासत्ता असलेल्या अमेरिकासारख्या देशालाही या आजारामुळे मोठा आर्थिक फटका बसला होता. यामुळे कोणत्याही नव्या आजाराबाबत ऐकताच अनेकांच्या अंगावर काटा येतो.