मराठी बातम्या  /  देश-विदेश  /  Farmers Protest Delhi: शेतकऱ्यांच्या 'दिल्ली चलो' मोर्चामुळं मोदी सरकार टेन्शनमध्ये, दिल्लीच्या सीमा सील, काटेरी कुंपणं

Farmers Protest Delhi: शेतकऱ्यांच्या 'दिल्ली चलो' मोर्चामुळं मोदी सरकार टेन्शनमध्ये, दिल्लीच्या सीमा सील, काटेरी कुंपणं

Ninad Vijayrao Deshmukh HT Marathi
Feb 12, 2024 10:14 AM IST

farmer protest delhi : दिल्लीवर विविधी मागण्यांसाठी शेतकऱ्यांचा मोर्चा उद्या मंगळवारी धडकणार आहे. शेतकऱ्यांना सीमेवर रोखण्यासाठी चोख बंदोबस्त ठेवण्यात आला आहे. दिल्ली आणि हरियाणाच्या सीमा सील करण्यात आल्या असून आज पोलिस आयुक्तांनी सुरक्षा व्यवस्थेची पाहणी केली.

farmer protest delhi
farmer protest delhi

farmer protest delhi : शेतकरी संघटनांनी पुकारलेल्या 'दिल्ली चलो' मोर्चाच्या आधी, हरियाणा आणि दिल्ली सीमा बंद करण्यात आली आहे. तर अनेक ठिकाणी काँक्रीटचे अडथळे, लोखंडी बॅरिकेट, काटेरी तारांचे कुंपण उभारण्यात आले आहे. याशिवाय जमावबंदी कायदा लागू करण्यात आला असून हजारो पोलिस बंदोबस्तासाठी तैनात करण्यात आले आहेत. एकीकडे, केंद्राने शेतकरी संघटनांना त्यांच्या मागण्यांवर चर्चा करण्यासाठी १२ फेब्रुवारी रोजी दुसऱ्या बैठकीसाठी आमंत्रित करण्यात आले आहे. तर दुसरीकडे विरोधी पक्षांनी रविवारी आंदोलकांना राजधानी दिल्लीत प्रवेश करण्यापासून रोखण्यासाठी सीमेवर हजारो पोलिसांची कुमक तैनात केली आहे.

Manoj Jarange : मनोज जरांगेंच्या उपोषणाचा तिसरा दिवस! प्रकृती खालावली, उपचार घेण्यास दिला नकार

उद्या मंगळवारी १३ फेब्रुवारी शेतकऱ्यांचे वादळ दिल्लीकडे कूच करणार आहेत. या आंदोलनाच्या पार्श्वभूमीवर दिल्ली पोलिसांनी दिल्लीच्या सर्व सीमा बंद केल्या आहेत. सोमवार आणि मंगळवारी नागरिकांना वाहतूककोंडीला सामोरे जावे लागू शकते.

१३ फेब्रुवारीला होणाऱ्या शेतकऱ्यांच्या मोर्चाच्या पार्श्वभूमीवर दिल्लीच्या सीमेवर चोख सुरक्षा व्यवस्था ठेवण्यात आली आहे. कलम १४४ लागू करण्यात आले आहे, दिल्लीत येणाऱ्या सर्व सीमांवर काँक्रीटचे बॅरिकेड्स आणि कंटेनर लावण्यात आले आहेत. दिल्लीत मोर्चा काढण्यासाठी येणाऱ्या शेतकऱ्यांना रोखण्यासाठी आजूबाजूच्या राज्यांमध्ये कडक बंदोबस्त ठेवण्यात आला आहे. अंबालाजवळ पंजाबची सीमा सील करण्यात आली आहे. बॅरिकेड्स, वाळूच्या पोत्या, काटेरी तार लावण्यात आल्या आहेत. फतेहाबादमध्ये रस्त्यावर खिळ्यांचे पट्टे टाकण्यात आले आहेत. दिल्लीच्या सीमेवर मोठ्या प्रमाणात पोलीस तैनात करण्यात आले आहेत. केंद्रीय मंत्री पीयूष गोयल, अर्जुन मुंडा आणि नित्यानंद राय हे चंदीगडमध्ये शेतकऱ्यांची बैठक घेणार आहेत.

बॅरिकेड्स लावलेले कंटेनर : टिकरी सीमेवर काँक्रीटचे बॅरिकेड्स आणि मोठे कंटेनर, दोन्ही रस्त्यावर लावण्यात आले आहेत बॅरिकेडिंगच्या तयारीबरोबरच सिंघू सीमेवर सुरक्षा जवानांच्या तैनातीसाठी तंबूही लावण्यात आले आहेत. गाझीपूर आणि चिल्ला सीमेसह यमुनेच्या सीमावर्ती भागात बॅरिकेडिंग आणि कंटेनर लावण्याची तयारी सुरू आहे.

सीमा केल्या सील: गाझीपूर सीमेवर रविवारी रात्री उड्डाणपुलाखालचा रस्ता बॅरिकेड्स लावून बंद करण्यात आला. त्याचवेळी जीटी कर्नाल रोडवर अनेक किलोमीटर जाम होता. सूत्रांनी सांगितले की, सोमवारी संध्याकाळी गाझीपूर, सिंधू सीमाही बंद केल्या जाऊ शकते.

भारताच्या कूटनीतीला यश; कतारनं केली नौदलाच्या ८ माजी अधिकाऱ्यांची सुटका

सरकारने आश्वासने पूर्ण केली नाहीत: एसकेएम (गैर-राजकीय) नेते जगजित सिंग डल्लेवाल म्हणाले की सरकारने किमान आधारभूत किंमतीवर कायदेशीर हमी देण्याचे आश्वासन दिले होते. शेतकऱ्यांवर दाखल झालेले सर्व गुन्हे मागे घेण्याचे आश्वासनही देण्यात आले होते, मात्र, सरकारने या बाबत काहीही केलेले नाही.

हरियाणातील सात जिल्ह्यांमध्ये इंटरनेट बंद

हरियाणा, अंबाला, कुरुक्षेत्र, कैथल, जिंद, हिस्सार, फतेहाबाद, सिरसा या सात जिल्ह्यांमध्ये मोबाइल इंटरनेट आणि बल्क एसएमएसची सुविधा ही १३ तारखेपर्यंत बंद करण्यात आली आहे. तर १५ जिल्ह्यांमध्ये कलम १४४ लागू करण्यात आले आहे.

काँग्रेसचे अध्यक्ष मल्लिकार्जुन खर्गे यांनी रविवारी सांगितले की, केंद्राने अद्याप वादग्रस्त शेतीविषयक कायदे मागे घेतलेले नाहीत. त्याचवेळी पंजाबचे मुख्यमंत्री भगवंत मान म्हणाले की, ही भारत-पाकिस्तान सीमेवर खिळे आणि काटेरी तारा लावल्या जात आहेत.

दिल्ली हद्दीवरील कडक बंदोबस्तामुळे पादचारी त्रस्त

शेतकऱ्यांनी १३ फेब्रुवारीला दिल्लीकडे मोर्चा काढण्याची घोषणा केली आहे. त्यांना रोखण्यासाठी दिल्ली पोलिसांनी राजधानीच्या सर्व सीमा मजबूत करण्यास सुरुवात केली आहे. त्यामुळे सोमवार आणि मंगळवारी नागरिकांना वाहतूककोंडीला सामोरे जावे लागू शकते. मात्र, चेकिंगमुळे रविवारी दुपारी ते रात्री उशिरापर्यंत सिंधू सीमेसह अनेक ठिकाणी वाहतूक कोंडी झाली, त्यामुळे पादचाऱ्यांचे हाल झाले.

हरियाणाच्या दिशेने जाणारा कॅरेजवे बंद झाल्यामुळे वाहतूक कोंडी

रविवारी रात्री दहा वाजण्याच्या सुमारास हरियाणातून येणारी मालगाडी बंद झाल्याने जाम झाला होता. त्यामुळे वाहनांच्या लांबच लांब रांगा लागल्या होत्या. मात्र, वाहतूक आणि स्थानिक पोलिस वाहतुकीचे नियमन करून लोकांना उड्डाणपुलावरून जाण्यास सांगत होते. विशेषत: हातगाडीवरून जवळच्या गावांमध्ये जाणाऱ्या वाहनांना त्रास होत होता. स्थानिक पोलिसांव्यतिरिक्त निमलष्करी दलाची तुकडी रात्री उशिरा सिंधू सीमेवर तैनात करण्यात आली होती. सीमेजवळ छोटे तंबूही लावण्यात आले असून, त्यामध्ये काही पोलिसांचा मुक्काम आहे. या दिवसांत थंडी कमी झाली असली तरी रात्रीच्या वेळी पारा घसरल्याने काही पोलीस टोलनाक्याजवळ शेकोटीजवळ उभे असल्याचे दिसून आले. या वेळी कोणीही ये-जा करणाऱ्याला थांबवून चौकशी केली जात आहे.

गाझीपूर सीमेवरून दिल्लीत प्रवेश करण्याचा मार्ग उड्डाणपुलाखाली बंद करण्यात आला आहे. रात्री १० वाजता उड्डाणपुलावरून दिल्लीकडे जाण्याचा मार्ग खुला करण्यात येतो. पोलिसांनी याठिकाणी बॅरिकेड्स लावले आहेत. खांबांवर सीसीटीव्ही बसवण्यात आले आहेत. घोषणांचे साहित्यही तेथे ठेवण्यात आले आहे. येथून शेतकरी आल्यास रस्ता पूर्णपणे बंद होऊ शकतो, असे पोलीस सूत्रांनी सांगितले.

दुपारनंतर मयूर विहार येथील चिल्ला बॉर्डरवर रस्त्याच्या कडेला बॅरिकेड्सच्या लांबच लांब रांगा दिसत होत्या. दुपारपर्यंत येथे ५० हून अधिक बॅरिकेड्स पोहोचवण्यात आले होते. काही पोलिसही रस्त्याच्या कडेला तैनात होते. रस्त्यावर कोणतेही बॅरिकेड्स नसल्याने दुपारी येथे वाहतूक सुरळीत सुरू होती. रविवारी रात्री उशिरापासून बॅरिकेड्स लावण्यात आल्याचे पोलिसांनी सांगितले. तपासणी केल्यानंतरच वाहनांना दिल्लीत प्रवेश देण्यात आला. शेतकऱ्यांना दिल्लीत येण्यापासून रोखण्यासाठी येथे तयारी सुरू आहे.

दिल्ली-हरियाणा सीमेवर असलेल्या टिकरी सीमेवर शेतकऱ्यांना रोखण्यासाठी तयारी पूर्ण करण्यात आली आहे. येथे मोठ्या प्रमाणात बॅरिकेड्स आणि काटेरी तारा लावण्यात आल्या आहेत. रविवारी वाहतूक सुरळीत होती. सुट्टीचा दिवस असल्याने नेहमीपेक्षा कमी वाहतूक होती, मात्र सीमेवर शेतकरी जमण्यास सुरुवात झाली आहे.

WhatsApp channel

विभाग