Delhi Election : दिल्ली विधानसभा लढवणाऱ्या ८० टक्के उमेदवारांचं डिपॉझिट जप्त, यामध्ये काँग्रेसचे किती?

५ फेब्रुवारी रोजी झालेल्या निवडणुकीत रिंगणात उतरलेल्या ६९९ उमेदवारांपैकी ५५५ (७९.३९ टक्के) उमेदवारांचे डिपॉझिट बुडाले. काँग्रेसला सलग तिसऱ्यांदा जागांच्या बाबतीत भोपळाही फोडता आला नाही, शिवाय ६७ उमेदवारांचे डिपॉझिटही वाचवता आले नाही. ही काँग्रेससाठी मोठी नामुष्की आहे. २०१३ पर्यंत सलग तीन वेळा दिल्लीवर राज्य करणाऱ्या काँग्रेसने सर्व ७० विधानसभा मतदारसंघात उमेदवार उभे केले होते.

केजरीवालांनी बांधलेल्या 'शीशमहाल' मध्ये भाजपचा मुख्यमंत्री राहणार का? भाजप नेत्यांचा मोठा खुलासा

काँग्रेसच्या केवळ तीन उमेदवारांना डिपॉझिट वाचविण्यात यश आले. यामध्ये कस्तुरबा नगरमधून अभिषेक दत्त, नांगलोई जत मधून रोहित चौधरी आणि बादलीतून देवेंद्र यादव यांचा समावेश आहे. दोन जागा लढविणारे एमआयएमचे शिफा-उर-रेहमान खान यांनीही ओखलामधील आपली डिपॉझिट वाचवण्यात यश मिळवले. लोकप्रतिनिधी कायदा १९५१ नुसार निवडणूक लढविणाऱ्या सर्वसाधारण प्रवर्गातील कोणत्याही उमेदवाराला १० हजार रुपये सुरक्षा म्हणून निवडणूक आयोगाकडे जमा करावे लागतात.

Delhi Result : दिल्ली ‘आप-दा’पासून मुक्त, त्यांना लूट परत करावी लागणार; मोदींचा केजरीवालांना जाहीर इशारा

इतकंच नाही तर अनुसूचित जाती आणि जमातीच्या उमेदवारांना काही सवलती देण्यात आल्या आहेत. एससी आणि एसटी उमेदवारांसाठी ५,००० रुपये सिक्युरिटी डिपॉझिट आहे. उमेदवाराची निवड झाली नाही तर. जर त्याला मिळालेल्या वैध मतांची संख्या सर्व उमेदवारांना मिळालेल्या एकूण वैध मतांच्या सहाव्या भागापेक्षा कमी असेल तर अनामत रक्कम जप्त केली जाते.