महाराष्ट्र-हरयाणामध्ये भाजपने षडयंत्र रचून विजय मिळवला? दिल्ली निवडणुकीआधी अरविंद केजरीवालांचा मोठा दावा

अरविंद केजरीवाल यांनी एक्सवर पोस्ट करत म्हटले की, दिल्लीमध्ये भाजप मोठ्या प्रमाणात लोकांचे मत कापण्याचा प्रयत्न करताना रंगेहात पकडली गेली. भाजपने हजारों वोटर्सची मते कापण्यासाठी अर्ज केला होता. लवकरच याबाबत मोठा खुलासा करेन. या लोकांनी हरयाणा आणि महाराष्ट्राची निवडणूकही याच पद्धतीने जिंकली? भाजपवालो मी तुमचा डाव दिल्लीत यशस्वी होऊ देणार नाही," अशी पोस्ट केजरीवालांनी केली.

Video : राजकारणातही थर्ड अम्पायर असायला हवा! असं का म्हणाले मनसे अध्यक्ष राज ठाकरे?

अरविंद केजरीवाल यांच्या या पोस्टवर भाजपकडून अद्याप कोणतीही प्रतिक्रिया आलेली नाही. नुकत्याच झालेल्या महाराष्ट्र आणि हरयाणा विधानसभा निवडणुकीत भाजपने अनपेक्षित विजय मिळवला आहे. हरयाणात काँग्रेस मजबूत वाटत असतानाही पंतप्रधान मोदी आणि अमित शहांच्या नेतृत्वाखाली भाजपने विजय मिळवला. त्याचबरोबर महाराष्ट्रातही महाविकास आघाडीच्या बाजूने मतप्रवाह होता. सरकारविरोधात जनतेत रोष होता, तरीही जनमत आपल्याकडे आणण्यात भाजप यशस्वी झाला

Devendra Fadnavis : ते पुन्हा आले! देवेंद्र फडणवीस होणार महाराष्ट्राचे पुढचे मुख्यमंत्री, आज सत्तास्थापनेचा दावा करणार

विशेष म्हणजे आम आदमी पार्टी स्थापन केल्यापासून दिल्लीत सत्तेत आहे. २०२० च्या विधानसभा निवडणुकीतही केजरीवालांच्या पक्षाने ७० पैकी ६३ जागांवर विजय मिळवून सत्ता स्थापन केली होती. तर भाजपला केवळ ७ जागा जिंकता आल्या होत्या.काँग्रेसला एकही जागा जिंकता आली नव्हती. मात्र, त्यानंतर गेल्या पाच वर्षात अरविंद केजरीवालांसह पक्षातील काही नेत्यांवर मद्य घोटाळ्यासह इतर आरोप झाले आहेत. केजरीवालांसह अनेक नेत्यांना तुरुंगातही जावे लागली आहे. त्यामुळेच आता यावेळच्या निवडणुकीला खूप महत्व प्राप्त झाले आहे.