मराठी बातम्या  /  देश-विदेश  /  खळबळजनक.. दोन न्यायाधीशांवर जीवघेणा हल्ला, शिवीगाळ करत गळा दाबून ठार मारण्याचा प्रयत्न

खळबळजनक.. दोन न्यायाधीशांवर जीवघेणा हल्ला, शिवीगाळ करत गळा दाबून ठार मारण्याचा प्रयत्न

Shrikant Ashok Londhe HT Marathi
Mar 15, 2023 08:54 PM IST

दोन न्यायाधीशांवर मंगळवारी रात्री काही लोकांनी हल्लाजीव घेण्याचा प्रयत्न केला. न्यायाधीशांनाशिवीगाळ करून मारहाण केली. घटनास्थळी उपस्थित लोकांनी त्यांना वाचवले.

सांकेतिक छायाचित्र
सांकेतिक छायाचित्र

सामान्य माणसांवर तर कधीही व कुठेही हल्ले होत असताना आता देशात न्यायाधीशही सुरक्षित नसल्याचे वातावरण आहे. सासाराम दिवाणी न्यायालयाच्या दोन न्यायाधीशांवर मंगळवारी रात्री काही लोकांनी हल्ला जीव घेण्याचा प्रयत्न केला. न्यायाधीशांना शिवीगाळ करून मारहाण केली.  घटनास्थळी उपस्थित लोकांनी त्यांना वाचवले. माहिती मिळताच शहर पोलिसांनी आरोपींना  अटक केली. मात्र त्यांच्यासोबत असलेल्या अन्य गुंडांनी लाठी व काठ्यांनी पोलिसांवर हल्ला करत त्यांना सोडवले. 

माहिती मिळताच पोलिसही मोठ्या संख्येने घटनास्थळी पोहोचले आणि त्यांनी तत्काळ कारवाई करत बेडा येथील पेट्रोल पंपाचे मालक रमाकांत सिंग आणि कापड दुकानाचा मालक शंतनू या दोन आरोपींना अटक केली. त्यानंतर बुधवारी दोन्ही आरोपींना न्यायालयात हजर केले असता त्यांची कारागृहात रवानगी करण्यात आली. अतिरिक्त मुख्य न्यायदंडाधिकारी रामचंद्र प्रसाद यांनी मुफसिल पोलिस ठाण्यात एफआयआर नोंदवला आहे. 

पोलिसांनी दिलेल्या माहितीनुसार, मंगळवारी रात्री साडे सात वाजण्याच्या सुमारास अतिरिक्त मुख्य न्यायदंडाधिकारी कम सब न्यायाधीश-५ रामचंद्र प्रसाद आणि अतिरिक्त मुख्य न्याय दंडाधिकारी कम सब न्यायाधीश-४ देवेश कुमार कारमध्ये पेट्रोल भरण्यासाठी पंपावर जात होते. वाटेत बेडा कालवा ओलांडल्यावर काही सामान घेण्यासाठी गाडी रस्त्याच्या डाव्या बाजूला उभी केली. त्यामुळे दुचाकीवरून येणाऱ्या रमाकांत आणि शंतनूने न्यायाधीश-५ यांच्या कारला धडक दिली. यामुळे कारचे नुकसान झाले.

यासंदर्भात दोन्ही न्यायिक अधिकाऱ्यांनी त्यांना विचारणा केली असता, तो भडकला आणि गाडीच्या चाव्या काढू लागला. नकार दिल्यावर शिवीगाळ सुरू केली. भांडत असताना त्यांनी त्यांचा गळा दाबण्यास सुरुवात केली. त्याच्याकडून सात हजार रुपयेही हिसकावले. दरम्यान, घटनास्थळी उपस्थित लोकांनी दोन्ही न्यायाधीशांना वाचवले. 

आरोपींनी यापूर्वीही येथील न्यायदंडाधिकारी यांना मारहाण केली होती. मारहाणीदरम्यान,  आरोपीने सांगितले की, आम्ही यापूर्वीही न्यायाधीशांना मारहाण केली होती, परंतु तो आमचे काहीच वाकडे करू शकला नव्हता, तुम्ही काय करणार?

न्यायाधीश असल्याचे कळल्यानंतरही मारहाण -
आरोपी आणि त्यांच्यासोबत असलेल्या दोघांनीही आपण न्यायाधीश असल्याचे जाणून शिवीगाळ व मारहाण केली. इतकेच नाही तर आरोपींसोबत असलेल्या अज्ञात लोकांनी न्यायाधीशांना मारहाण केली. 

WhatsApp channel

विभाग