धक्कादायक..! वृद्ध आईला घरात एकटीला सोडून गेली मुलगी, ५४ पाळीव कुत्र्यांनी लटके तोडून केले ठार

शेरिफ कार्यालयाने दिलेल्या माहितीनुसार, जेसिका हॉफ ३ फेब्रुवारी रोजी आपल्या आईला कोलोराडो सिटीच्या घरी एकटी सोडून बाहेर गेली होती. त्यानंतर त्या दिवशी अधिकाऱ्यांना लॅव्हॉन हॉफ तिच्या घरी बेशुद्धावस्थेत आढळली आणि अनेक कुत्रे फिरताना दिसले. याशिवाय सुमारे दोन डझन इतर कुत्रे आणि सात पिंजऱ्यात बंदिस्त पक्षीही घरात होते.

जेसिका हॉफ यांच्या मालकीचे घर आणि इतर मालमत्तेची झडती घेतली असता एकूण ५४ कुत्रे सापडले, त्यापैकी अनेक कुत्रे आजारी आणि अत्यंत खराब अवस्थेत होते. कुत्रे आणि पक्षी अस्वच्छ अवस्थेत आढळले असून त्यांना प्राणी नियंत्रण विभागाने ताब्यात घेतले आहे.

जेसिका हॉफ गुरुवारी कोर्टात हजर होणार आहे. कोर्टाच्या नोंदीनुसार, सरकारी पक्षाने अद्याप त्यांच्याविरोधात अधिकृतपणे आरोप दाखल केलेले नाहीत.