धक्कादायक..! पतीनं पत्नीला मेहुण्यासोबत नको त्या अवस्थेत पाहिलं, मात्र सासरच्या लोकांनी विष पाजून त्यालाच मारलं
मृत राहुल कुमारच्या कुटुंबीयांनी आरोप केला आहे की, त्याच्या पत्नीचे मेहुण्याशी अनैतिक संबंध होते. सोमवारी सायंकाळी तो सासरच्या घरी पोहोचला असता त्याच्या पत्नीच्या माहेरच्या लोकांनी त्याला विष पाजून ठार मारले.
बिहारमधील नालंदा जिल्ह्यातून अनैतिक संबंधातून हत्येचा खळबळजनक प्रकार समोर आला आहे. नूरसराय पोलीस ठाण्याच्या हद्दीतील खरजमा गावात ही घटना घडली आहे. पत्नीच्या माहेरी आलेल्या एका व्यक्तीला विष पाजून त्याची हत्या करण्यात आल्याचे सांगण्यात येत आहे. दोन वर्षांपूर्वी त्याचे या गावातील तरुणीशी लग्न झाले होते.
मृताच्या पत्नीचे मेहुण्याशी अनैतिक संबंध होते. नवरा पत्नीच्या माहेरी पोहोचला तेव्हा त्याने पत्नीला मेहुण्याच्या कुशीत पाहून संतापला. यानंतर सासरच्या लोकांसोबत त्याचा वाद झाला आणि त्याच दिवशी त्याचा मृत्यू झाला. मृताच्या कुटुंबीयांनी पत्नीच्या माहेरच्या लोकांवर हत्येचा आरोप केला आहे. घटनेनंतर आरोपी फरार आहेत.
राहुल कुमार (वय २०, रा. फुलपूर, अथमलगोला, जिल्हा पाटणा) असे मृत तरुणाचे नाव आहे. मृताचे काका हिमांशू कुमार यांनी सांगितले की, दोन वर्षांपूर्वी त्यांचे जबरदस्तीने लग्न झाले होते. लग्नानंतरही त्याची पत्नी माहेरीच राहत असे. राहुल ५ महिन्यांपूर्वी सुरतहून कमाई करून घरी परतला. यानंतर जेव्हा जेव्हा तो पत्नीला सासरी येण्यास सांगायचा, तेव्हा ती काही ना काही बहाणा करून सासरी यायचं टाळत असे.
सोमवारी सायंकाळी राहुलला पत्नीचा फोन आला आणि त्याने तिला घरी बोलावले. राहुल सासरच्या घरी पोहोचला तेव्हा त्याला पत्नी मेहुण्याच्या कुशीत दिसली. यानंतर दोघांमध्ये भांडण झाले. थोड्या वेळाने तो घराबाहेर पडला आणि त्याने आई-बहिणीला मोबाईलवरून संपूर्ण घटनेची माहिती दिली. दरम्यान, पत्नी, तिचा मेहुणा आणि इतर सासरच्या लोकांनी त्याला पकडून मारहाण केली आणि जबरदस्तीने विष पाजले. त्यानंतर त्याला एका खोलीत बंद करून सर्वजण घरातून पळून गेले. कसेबसे त्याने आपल्या कुटुंबीयांना विष पाजल्याचे सांगितले. त्यानंतर त्याचे कुटूंबीय त्याच्या सासरच्या घरी पोहोचले. पण तोपर्यंत राहुलचा मृत्यू झाला होता.
पत्नीचे मेहुण्याशी अनैतिक संबंध असल्याचा आरोप तरुणाच्या कुटुंबियांनी केला आहे. त्याला तो वारंवार विरोध करायचा, त्यामुळेच त्याला इकडे बोलावून त्याची हत्या केली आहे. शवविच्छेदनानंतर मृतदेह कुटुंबीयांच्या ताब्यात देण्यात आल्याची माहिती पोलिस प्रभारी रजनीश कुमार यांनी दिली. शवविच्छेदन अहवाल आल्यानंतरच मृत्यूचे कारण समजू शकेल. विष प्राशन करून खून केल्याचा आरोप मृताच्या कुटुंबियांनी केला आहे. या प्रकरणाची चौकशी सुरू आहे.
