माझी मुलगी मेली... आणि अचानक श्वास आला, नवी दिल्ली स्टेशन दुर्घटनेची ही कहाणी डोळ्यात आणेल चटकन पाणी

नवी दिल्ली रेल्वे स्थानकाच्या कुलीने एका ४ वर्षाच्या मुलीचा जीव वाचवण्याची कहाणी सांगितली. एक महिला रडत होती की तिच्या ४ वर्षांच्या मुलीचा मृत्यू झाला आहे. मी बाळाला मृत्यूच्या दारातून बाहेर काढलं. दोन मिनिटांनी बाळ पुन्हा श्वास घेऊ लागले आणि रडू लागले. आईच्या डोळ्यात आनंदाश्रू होते. जीव मुठीत धरून लोक पळत होते. आपला जीव जाऊ शकतो, अशी भीतीही आम्हाला वाटत होती. आम्ही अनेकांचे प्राण वाचवले. मी आयुष्यात पहिल्यांदाच अशी दृश्ये पाहिली आहेत.

नवी दिल्ली स्टेशनवरील चेंगराचेंगरीतील मृतांचा आकडा सरकार लपवत आहे, राहुल गांधींचा आरोप

लालू प्रसाद यांचे महाकुंभ मेळ्याबाबत वादग्रस्त वक्तव्य; म्हणाले, फालतू आहे कुंभ स्नान, याला काही अर्थ नाही..

हा प्रकार सांगताना कुली म्हणाला की, आम्ही नेहमीप्रमाणे काम करत होतो, त्यावेळी अचानक आम्हाला आरडाओरडा ऐकू आला. आम्ही सगळे कुलीकडे धावत गेलो. आम्ही पाहिले की मुले जमिनीवर पडलेली आहेत, स्त्रिया आणि पुरुष इकडे तिकडे पळत आहेत. लोक ओरडत होते. आम्ही बरीच मुलं उचलून बाहेर काढली. काही लोकांचा मृत्यू झाला होता तर काही बेशुद्ध पडले होते. आम्ही त्यांना रुग्णवाहिकेत घेऊन गेलो. मी ८-१० मुलांना वाचवले. ते पुढे म्हणाले की, त्यावेळी काय झाले ते माहित नाही, प्रत्येक वेळी व्यवस्था खूप चांगली असते, छठमध्ये जवळपास ५ लाखांची गर्दी असते, तरीही यंत्रणा चांगली असते, यावेळी काय झाले माहित नाही.