जमिनीवर तलावासारखा खड्डा अन् झाडावर जाऊन अडकली पोलीस व्हॅन, छत्तीसगड हल्ल्याचे भयानक फोटो आले समोर

सुरक्षा दलांच्या अलीकडील धडक कारवायांमुळे बिधरलेल्या नक्षलवाद्यांनी जवानांच्या वाहनाला लक्ष्य केले. नक्षलवाद्यांनी विजापूरमधील कुटरू रस्त्यावर बेद्रेला जाताना आयईडी बॉम्ब ठेवला होता. त्यावरून कार येताच जोरदार स्फोट झाला. कारमध्ये असलेल्या जवानांचे मृतदेह छिन्नविछिन्न पडले. घटनास्थळी खोल खड्डा पडला होता. कारचे अनेक भाग शेकडो मीटर अंतरापर्यंत विखुरलेले होते. एक भाग झाडावर लटकलेला होता.

Naxalite Attack छत्तीसगडमध्ये मोठा हल्ला, नक्षलवाद्यांनी सुरक्षा दलाचे वाहन उडवले, ९ जवान शहीद

शहीद जवानांमध्ये डीआरजीचे ८ जवान आणि एका ड्रायव्हरचा समावेश आहे. हे सर्व जवान ३ जानेवारीला नक्षलविरोधी मोहिमेवर गेले होते, तर ४ जानेवारीला पोलिस आणि नक्षलवाद्यांमध्ये चकमक झाली होती. या चकमकीत दंतेवाडा डीआरजीचे हेड कॉन्स्टेबल सन्नू करम शहीद झाले. दोन दिवसांपूर्वी पोलिसांसोबत झालेल्या चकमकीत पाच नक्षलवादी ठार झाले होते. या सर्च ऑपरेशनमध्ये दोन महिला नक्षलवाद्यांसह एकूण ५ गणवेशधारी नक्षलवादी ठार झाले.

ठार झालेल्या नक्षलवाद्यांमध्ये डीकेएसझेडसी पीएलजीए प्लाटून क्रमांक ३२ च्या वरिष्ठ कॅडरचा समावेश आहे. या कारवाईत एके ४७, एसएलआर सारखी स्वयंचलित शस्त्रेही जप्त करण्यात आली आहेत. या चकमकीनंतर जवान दंतेवाडाकडे परतत असताना नक्षलवाद्यांनी पिकअप गाडीला आयईडीने स्फोटाने उडवून लावले. 

HMPV Virus Symptoms: एचएमपीव्ही व्हायरस म्हणजे काय, त्याची लक्षणे काय आहेत आणि सर्वाधिक धोका कोणाला? वाचा

नक्षलवाद्यांनी हल्ला केलेल्या वाहनामध्ये २० जवान होते. घटनेच्या माहितीनंतर बीजापूरचे एसपी जितेंद्र यादव घटनास्थळी दाखल झाले. या हल्ल्यात अनेक जवान जखमी झाले आहेत. जखमी जवानांना रुग्णालयात दाखल करण्यात येत आहे. 

आधी नक्षलवादी नंतर हेड कॉन्स्टेबल बनलेले झाले शहीद - 

या चकमकीत डीआरजीचे हेड कॉन्स्टेबल सन्नू करम शहीद झाले. ते आत्मसमर्पण केलेले नक्षलवादी होते. २०१७ मध्ये त्यांनी आत्मसमर्पण केले. २०१९ मध्ये ते जिल्हा राखीव रक्षक (DRG) मध्ये रुजू झाले. यानंतर ते सतत अनेक चकमकींमध्ये सहभागी झाले.